BURADA REKLAMINIZ OLA
BİLƏR

AQTA-nın həbsdə olan sabiq vəzifəli şəxsi şikayətini geri götürdü
Deputat: "Hadı Rəcəblini sağ olanda da tənqid edirdilər, amma o, millət üçün kifayət qədər əziyyət çəkib, çalışıb"
Cavanşir Paşazadə Hadi Rəcəblidən danışdı: "Zəhməti çəkən də millət vəkilləri, söyülən də onlar..."

Bilal Əliyev: “Londonda ictimai nəqliyyatdan kart olmadan istifadə etmək təxminən 5 manata başa gəlir”

“Xüsusi maşınım var, çalışıram ancaq işə gedib-gələndə istifadə edim. Digər vaxtlarda evdən çıxıb iki-üç kilometr hansısa iş üçün gedirəmsə, piyada gedib qayıdıram. Bu, həm canımın sağlamlığı üçündür, cibimizə də qənaətdir. Gənclik vaxtımda ictimai nəqliyyatdan istifadə etmişəm. Avropaya, ABŞ-a, Londona çox gedib-gəlirəm. Londona gedəndə həmişə bir aylıq gediş üçün kart götürürük. Bu isə hardasa 200 funt sterlinqə, bəlkə də daha çox başa gəlir. Bizim pulla 2 manat 20 qəpikdən hesablasaq, təxminən, 450 manat pul edir. Təcrübəmdə olub deyə bunu danışıram. Orada soruşdum ki, kart almasam, ictimai nəqliyyatdan necə istifadə edə bilərəm? Dedilər ki, hər gedişdə 2 funt sterlinq alacaqlar. Bu isə 5 manat edir. Yəni tək gediş 5 manatdır. Bizdə gedişhaqqını 40 qəpik ediblərsə, deməli, fikirləşirlər ki, çatdıra bilmirlər, axı avtobuslar benzin işlədir. Yəqin, 10 qəpik qaldırmaq lazımdır ki, qaldırıblar. Əlbəttə, mən xalqımın yanındayam. İstəyərəm ki, xalqım üçün su da, qaz da, işıq da, gündə ən azından iki-üç çörək də havayı olsun. Bunu hamımız istəyərik. Amma alınmır axı. Dünyanın öz gedişatı var. Atalar demişkən, “Palaza bürün, ellə sürün...””

 

Bu sözləri Pravda.az-a müsahibəsində Xalq artisti Bilal Əliyev deyib.

 

“Elə etməliyik ki, nə qarşı tərəf pis olsun, nə də biz. 40 qəpikdirsə, qoy olsun. Bizə deyirlər ki, pensiya 15% qalxıb. Amma pensiya kartını bankomata salıb yoxlayanda görürük ki, çox aşağı faiz qalxıb. Baş açmaq da olmur ki, nə məsələdir. Gedişhaqqı 10 qəpik qalxdısa, onda elə etmək lazımdır ki, kasıblar bu bahalaşmanı hiss etməsinlər. İngiltərədə soruşdum ki, nə qədər maaş alırsınız? Dedilər ki, 800-1000 funt sterlinq alanlar var. Bizdə 400 manat maaşdırsa, gedişhaqqı yenə də onlarla müqayisədə aşağı çıxır. Benzin də inkişaf etmiş xarici ölkələrlə müqayisədə bizdən bahadır. Ona görə də belə olmalıdır. Amma cənab Prezidentə Xalq artisti kimi müraciət edirəm: imkan varsa, insanların maaşı, pensiyası çox demirik, heç olmasa bir az da qalxsın, insanlar rahat yaşaya bilsinlər...”, - Xalq artisti bildirib.

 

Aytəkin Qardaşova
Tarix: 2 Fevral 2023, 11:01   
Xəbər lenti
Çox oxunanlar
Pensiya ilə bağlı mühüm xəbər
18 Aprel 13:23 Sosial
İcra başçılarının məzuniyyətə çıxmasına qadağa qoyuldu - SƏBƏB
18 Aprel 11:44 Siyasət
Minimum əməkhaqqı və ünvanlı sosial müavinətlərlə bağlı ŞAD XƏBƏR
18 Aprel 15:18 Sosial
Təhsil Nazirliyi tender keçirmədən 2 milyonu Ramiz Mehdiyevin oğlunun şirkətinə verdi – Təfərrüat
18 Aprel 17:23 Cəmiyyət
Həbsxanada evlənən müğənni: "Heç kimin bacarmadığını etmişəm"
18 Aprel 15:50 Cəmiyyət
Prezidentin nazir müavini təyin etdiyi Anar Axundov kimdir? - FOTO - DOSYE
18 Aprel 11:06 Siyasət
Azər Əhmədova vəzifə verildi
18 Aprel 18:23 Sosial
Natiq Cəfərli: "Sevinc Osmanqızı kimi qəribə ikinci adam çətin tapılar, üzr istəmək əvəzinə..."
18 Aprel 18:37 Siyasət
Röya Ayxan ailə quracaq - Toya hazırlaşır - VİDEO
18 Aprel 15:20 Cəmiyyət

Ən son xəbərləri səhifəmizdən də izləyin