“Bəziləri deyirlər ki, qrant müsabiqələrində deputatlara məxsus QHT-lər iştirak etməsinlər, bu, hansı qanunda yazılıb?” - Elman Nəsirov

“Fazil Mustafanın terror aktına məruz qalmasına sevinənləri müvafiq dövlət qurumları bir-bir aşkarlayıb, araşdırmalıdır” - AÇIQLAMA

Milli Məclisin deputatı Fazil Mustafanın ötən gecə öz evinin qarşısında terrora məruz qalması xəbəri Azərbaycan ictimaiyyətini və ölkədən kənarda yaşayan həmvətənlərimizi dərindən sarsıtdı. Amma sosial şəbəkələrdə bu hadisəni gülüş hədəfinə çevirən içimizdəki “baltalar” da az olmadı. Müxtəlif feyk hesablardan deputata qarşı törədilən sui-qəsdə sevinənlər oldu.

Bununla bağlı Pravda.az-a fikirlərini bölüşən siyasi şərhçi Azər Həsrət deyib ki, ümumiyyətlə, hər hansı terror hadisəsinə sevinmək anormallıqdır.

Azər Həsrət: Milli Şura adı altında fəaliyyət göstərən qruplaşma ölkəmizdəki dayanıqlı sabitliyi pozmağa çalışır - AZƏRTAC

O bildirib ki, deputat Fazil Mustafanın başına gələn hadisə Azərbaycan Respublikasının ərazisində Milli Məclisin üzvünə qarşı törədilib, yəni dövlətə qarşı edilib: “Bir insan nə qədər anormal olmalıdır ki, öz dövlətinə qarşı olan terrora sevinsin. Deməli, buna sevinənlər vətən xainləri, anti-Azərbaycan qüvvələr, Azərbaycanda oturub, Azərbaycanın çörəyini yeyib, havasını udub, xəyanət edənlərdir. Fazil Mustafadan bir şəxs, siyasətçi olaraq kiminsə xoşu gəlməyə bilər. Onu tənqid də edə bilərlər. Buna heç kim heç nə demir. Amma bu terror hadisəsinə sevinmək Azərbaycana qarşı törədilən terror aktına sevinmək deməkdir. Azərbaycana qarşı terror törədənlər kimlərdir? Ermənilər və onların havadarları. Azərbaycan dövlətini silah hədəfinə alan kimlərdir? Yenə də ermənilər və onların havadarları. Azərbaycan dövlətinə qarşı belə bir terror törədilirsə, buna sevinənlər bəs kimlərdir? Əlbəttə ki, ermənilərin və onların havadarlarının uzantıları! O şəxslər ki, Fazil Mustafanın başına gələn hadisəyə sevinir, toy-bayram edir, Dövlət Təhlükəsizliyi Xidməti başda olmaqla, müvafiq dövlət qurumlarımız onları bir-bir aşkarlayıb, araşdırmalıdır. Terrora sevinən adamın məramı, məqsədi xoş ola bilməz. Bu adamlar yerə basdırılmış minalardır. Görünür, özləri də günün birində Azərbaycan dövlətinə qarşı terror aktı törətməyə hazırlaşırlar. Buna görə də həmin adamları müəyyənləşdirmək lazımdır. Bir daha deyirəm, kiminsə Fazil Mustafadan xoşu gəlməyə bilər, amma bu hadisə dövlətin düzənini pozmağa hesablanmış bir terror hadisəsidir. Hər kəs bundan əziyyət çəkir. Ona görə də belə bir şeyə sevinmək əslində elə öz dövlətimizə qarşı çıxmaqdır. Dövlətə qarşı çıxanlara isə dövlət yerini göstərməlidir”.

Aytəkin Qardaşova

Tarix: 29 Mart 2023, 12:46

Xəbər lenti