BURADA REKLAMINIZ OLA
BİLƏR

TƏBİB-dən xəstəxanalarda peyvəndlərin saxlanma şəraitinin qənaətbəxş olmadığı barədə iddialara CAVAB

Tibbi Ərazi Bölmələrini İdarəetmə Birliyi (TƏBİB) tabeliyində olan xəstəxanalarda uşaqlar üçün nəzərdə tutulmuş peyvəndlərin əlverişsiz şəraitdə saxlanılması, bu səbəbdən valideynlərin özəl klinikalara üstünlük vermələri məsələsinə aydınlıq gətirib.

 

TƏBİB-dən Pravda.az-ın sorğusuna cavab olaraq bildirilib ki, ilkin səhiyyə xidməti göstərən tibb müəssisələrində vaksinlərin etibarlı saxlanılması məqsədilə peyvənd otaqları təkmilləşdirilib, “soyuq zəncir” sistemi daha da gücləndirilib: “TƏBİB tabeliyində fəaliyyət göstərən Bakı Baş Səhiyyə Mərkəzinin strukturuna daxil olan və uşaqlara tibbi xidmət göstərən 48 tibb müəssisəsində vaksinlərin düzgün qaydada saxlanılması üçün yeni avadanlıqlar alınaraq “soyuq zəncir” sistemi tam qurulub. Bu avadanlıqlarla işləmək üçün mütəxəssislər də xüsusi təlimlərə cəlb olunub. Paytaxt Bakı üzrə uşaqlara tibbi xidmət göstərən bütün tibb müəssisələrində peyvəndlərin və digər peyvənd materiallarının tələblərə uyğun qorunub saxlanılması tam təmin olunub. Peyvəndlərin saxlanıldığı yerlərdə havalandırma sistemi, temperatura nəzarət üçün termometr mövcuddur və peyvəndlərin vurulması xüsusi ixtisaslı tibb bacıları tərəfindən icra olunur. Bundan əlavə, yoluxucu xəstəliklərə qarşı tibbi xidmətin yaxşılaşdırılması məqsədilə sözügedən müəssisələrdə komissiyalar yaradılıb. Bu komissiyalar peyvəndə əks-göstəriş hallarının təhlilini aparır, peyvəndlərin aylıq planlanmasına və həyata keçirilməsinə nəzarət edir. Qeyd edək ki, peyvəndlər uşaqları infeksion xəstəliklərdən qoruyan yeganə vasitədir. Onlar xüsusi texnologiya ilə hazırlanır və xəstəliklərə qarşı orqanizmdə immunitet yaradır”.

 

Aytəkin Qardaşova

Tarix: 29 Noyabr 2023, 14:23   
Xəbər lenti
Çox oxunanlar

Ən son xəbərləri səhifəmizdən də izləyin