Masazırda dana ticarət mərkəzinin altını üstünə çevirdi - VİDEO

Məhkəmə doğuş zamanı anının ölümündə günahlandırılan həkimlə bağlı qərarı açıqladı

Ali Məhkəmədə Tovuzda səhlənkarlıqda təqsirləndirilərək bəraət alan Şahin Allahverdiyevin barəsindəki qərardan dövlət ittihamçısı tərəfindən yenidən verilən kassasiya protesti və kassasiya şikayətinə baxılıb.

Pravda.az-ın əldə etdiyi məlumata görə, hakim Vidadi Cəfərovun sədrliyi ilə keçirilən prosesdə qərar elan olunub.

Qərara əsasən, protest və şikayət təmin edilməyib.

Qeyd: 2019-cu il iyun ayında Tovuz rayonunun İbrahimhacılı kənd sakini, 1998-ci il təvəllüdlü Aytac Fəzail qızı Tağıyeva Tovuz Rayon Mərkəzi Xəstəxanasına aparılıb və qeysəriyyə əməliyyatı ilə dünayaya qız uşağı gətirib. Lakin bir müddət sonra ananın vəziyyəti pisləşib və həkimlərin səylərinə baxmayaraq, onun həyatını xilas etmək mümkün olmayıb.

Bu iş üzrə Tovuz Rayon Mərkəzi Xəstəxanasının Reanimasiya şöbəsinin həkim reanimatoloq anestezioloqu vəzifəsində işləmiş Şahin Allahverdiyev və həmin xəstəxananın cərrahı olmuş Çingiz Məmmədov cinayət məsuliyyətinə cəlb edilib.

Tovuz Rayon Məhkəməsinin hökmü ilə onlar barəsində 2 il 6 ay müddətinə azadlıqdan məhrumetmə cəzası və cəzalarını məntəqə tipli cəzaçəkmə müəssisəsində çəkmələri ilə bağlı hökm çıxarılıb. Hökmdən narazı qalan dövlət ittihamçısı apellyasiya protesti və təqsirləndirilən şəxslər ayrı-ayrılıqda apellyasiya şikayəti veriblər.

Gəncə Apellyasiya Məhkəməsi apellyasiya protestini təmin edib, Tovuz Rayon Məhkəməsinin Şahin Allahverdiyevə aid hissədə hökmü ləğv edib və ona bəraət verib. Çingiz Məmmədovun isə şikayəti təmin olunmayıb, birinci instansiya məhkəməsinin çıxardığı hökm ona aid hissədə dəyişdirilməyib. Belə ki, Çingiz Məmmədovun apellyasiya icraatı dövründə vəfat etməsi ilə əlaqədar Tovuz Rayon Məhkəməsinin hökmündən ona cəza təyin edilməsi və barəsində başqa yerə getməmək haqqında iltizam qətimkan tədbirinin tətbiq edilməsi ilə bağlı müddəaların xaric edilməsi hökm edilib.

Daha sonra həmin qərardan dövlət ittihamçısı kassasiya protesti verib. Ali Məhkəmə protesti qismən təmin edib, Gəncə Apellyasiya Məhkəməsinin çıxardığı hökmü Şahin Allahverdiyevə aid hissədə ləğv edib. Həmin hissədə cinayət işi apellyasiya instansiya məhkəməsində yeni məhkəmə baxışına təyin olunub. Gəncə Apellyasiya Məhkəməsinin qərarına əsasən, apellyasiya protesti təmin edilməyib, təqsirləndirilən şəxsin apellyasiya şikayəti təmin olunub, Tovuz Rayon Məhkəməsinin 26 noyabr 2020-ci il tarixli hökmü Şahin Allahverdiyevə aid hissədə ləğv edilib. Həmin hissədə yeni hökm çıxarılıb və ona Cinayət Məcəlləsinin 314.2-ci (səhlənkarlıq) maddəsi ilə əməlində cinayət tərkibi olmadığına görə bəraət verilib. Şahin Allahverdiyevin barəsində seçilmiş başqa yerə getməmək haqqında iltizam qətimkan tədbiri ləğv edilib.

Kamal Məmmədov

Tarix: 21 İyun 2024, 11:10

Xəbər lenti