Radikal müxalifət liderləri Avropa İttifaqından aldıqları qulaqburmasından sonra fəallaşacaqlar, ölkəmizə qarşı kampaniyaya başlayacaqlar - RƏY

“Azərbaycan müxalifətinin bir hissəsi hakimiyyətə gəlmək üçün xarici qüvvələrə ümid edir. Səbəb də aydındır: onların ölkə daxilində elə bir nüfuzu yoxdur. İnsanları inandırıb, onlara müəyyən ümidlər verib, sonda isə arxalarında dura bilmirlər. Bu səbəbdən də ciddi dəstək qazanmağı bacarmırlar. Siyasi partiyaların Ədliyyə Nazirliyində reyestrdən keçməsi prosesi göstərdi ki, bu partiyalar hətta 5 min nəfərin siyahısını tutmağa belə çətinlik çəkirlər. Təbiidir ki, bu vəziyyətdə nəyin bahasına olursa, olsun, hakimiyyətə gəlmək istəyən belə partiyaların əsas ümidi xarici qüvvələr olur. Bu günə qədər də belə olub. Daim xaricdən maliyyə yardımları alıblar. Ki bunun heç vaxt arası kəsilməyib. Yardımların köməyi ilə narazı insanların sayını artırmağa, ölkədə ixtişaşlar törətməyə çalışıblar. Və heç nəyə nail ola bilməyiblər. Çünki bu məsələdə təkcə maliyyə kifayət etmir. Eyni zamanda siyasətçidən qabiliyyət də, insanları inandırmaq bacarığı da tələb olunur. Bizim müxalifət yararsız müxalifətdir. Nə qədər pul ayrılsa da, heç bir səmərəsi olmur. Bu səbəbdən Avropa İttifaqının nümayəndəsi onları çağırıb tənbehləmək məcburiyyətində qalıb. “Pulları alırsınız, ancaq qarşılığında heç bir iş görmürsünüz...” Yaxşı bilirik ki, xarici qüvvələr növbədənkənar parlament seçkilərindən sonrakı və COP 29 ərəfəsindəki dövrdə Azərbaycanda qarşıdurma yaratmaqda çox maraqlıdırlar. Nəyin bahasına olursa, olsun, bu mühüm beynəlxalq tədbiri pozmağa, yaxud dəyərini azaltmağa çalışırlar. Əlaltıları da məlumdur - hakimiyyət naminə hər şeyə getməyə hazır olan, dövlətin və xalqın mənafeyini pula satmağa tərəddüd etmədən gedən müəyyən siyasi qüvvələr...”

Bu sözləri Pravda.az-a açıqlamasında siyasi şərhçi Abutalıb Səmədov deyib.

Prezident seçkilərinin qalibinin məhz cənab İlham Əliyev olması labüd idi, ictimai maraqlar bunu tələb edirdi" - RƏY Pravda.az

A.Səmədov hesab edir ki, radikal müxalifət liderləri Avropa İttifaqından aldqları qulaqburmasından sonra daha da fəallaşacaqlar: “Seçkilərdən dərhal sonra parlament seçkilərinin demokratik keçirilmədiyini, hüquqlarının pozulduğunu, kütləvi tədbirlərə icazə verilmədiyini, siyasi məhbusların olduğunu və s. kimi buna bənzər arqumentləri gətirərək Azərbaycana qarşı kampaniyaya başlayacaqlar. Şübhə etmirəm ki, onların bu cəhdləri heç bir nəticə verməyəcək. Çünki dəfələrlə bu cür hallar olub. Xaricdən külli miqdarda vəsait ayrılıb. Bu vəsaiti doğrultmaq üçün ixtişaşlar, kütləvi qarşıdurmalar yaratmaq cəhdləri göstərilib. Çox qəribədir ki, Azərbaycanda və xaricdə mövcud olan televiziya kanallarının imkanlarından istifadə etməyən bu müxalifətçilər mitinq keçirilməsinə icazə verilməməsindən şikayətlənirlər. Əslində, bu qədər televiziya kanalı varsa, mitinqlərə nə ehtiyac qalır? 1980-ci illərin sonlarında həmin bu adamlar mitinqləri belə əsaslandırırdılar ki, televiziyaya çıxmağa imkan verilmir. Guya onlara televiziyada çıxış etmək imkanı verilsə, heç mitinqlərə ehtiyac qalmaz. İndi isə kifayət qədər telekanallar var. Bu kanallara çıxmırlar, onların potensialından istifadə etmirlər, ancaq mitinq keçirmək istəyirlər. Niyə? Çünki mitinqlərdə pul silmək də, mitinqləri kütləvi ixtişaşlara çevirmək də, xaricdən alınan sifarişləri icra etmək də asandır. Belə bir müxalifətin milliləşmək ehtimalı yoxdur. Bu müxalifət uzun müddətdir, xarici qüvvələrə xidmət edir. Bundan sonra da xidmət etməyə davam edəcək. Əsas odur ki, xalqımız bu həqiqətləri bilsin, belə adamlara dəstək verməsin”.

Aytəkin Qardaşova

Tarix: 13 Avqust 2024, 15:51

Xəbər lenti