"Elm və Təhsil Nazirliyi təcili olaraq ADNSU-dakı vəziyyətə müdaxilə etməlidir" - GƏRGİNLİK

Bir qrup müəllim və işçi heyyəti Azərbaycan Dövlət Neft və Sənaye Universitetində baş verən qanunsuzluqlarla bağlı media vasitəsi ilə Prezident İlham Əliyevdən kömək istəyib. Məsələ ilə bağlı Tribunainfo.az-a açıqlama verən eks deputat Etibar Əliyev bildirib ki, bir az keçmişə qayıdaq. ADNSU-nun keçmiş rektoru Mustafa Babanlı müəllimlərə qarşı həddindən artıq saymamazlıq edib. Nə qədər adamı işdən çıxarırdı. Hətta deyirdi ki, kim hara şikayət edir etsin. Bu universitetdə özbaşınalıq ənənəsini Mustafa Babanlı quyub.

Eks deputatın sözlərinə görə, ADNSU-nun rektor əvəzi Vazeh Əsgərov belə kəskin addımlar atmamalıdır.

“Sual yaranır ki, müəllimi nə üçün işdən çıxarırlar. Yaş məsələsini də vurğulamaq lazımdır. Mən bunu ilk dəfə sizə deyirəm. Dünyanın aparıcı universitetlərində 90 yaşına qədər alimlər, məsləhətçi professorlar çalışırlar, dərs deyirlər. Fiziki cəhətdən imkanları çatırsa, o müəllimlərə toxunmurlar. Onlar gənclərdən də artıq səviyyədə müasir texnologiyalarla dərs keçirlər. Hansısa müəllimin birdən-birə işdən çıxarılmasının qətiyyən əleyhinəyəm. ADNSU spesifik universitetdir. Orada mütəxəssis hazırlanır. İndiki dövrdə mütəxəssis hazırlığı çox çətindir. Bunu nəzərə almaq lazımdır. Universitetdə ailə çətəsi qurmaq, yerlipərəstlik, ruspərəstlik yolverilməzdir. Mən kəskin şəkildə əleyhinəyəm. Universitet çox həssas təchizatdır. Çünki orada gələcəyin mütəxəssisləri hazırlanır. Çox təəssüflər olsun ki, bizim bir çox universitetdə belə hallar açıq şəkildə müşahidə olunur. Hətta mən ad da çəkə bilərəm. Azərbaycan Dövlət Pedaqoji Universitetində də bu hallar var. Özəl ali məktəblərin hamısı ailə universitetləridir. Sanki bu bir həqiqətə çevrilib ki, özəl məktəblərin, ali məktəblərin rektorları qohumlarını, övladlarını vəzifələrə çəkməlidirlər. Bu qarşısıalınmaz bir prosesə çevrilib”.

Bunun qarşısını almaq mümkün deyilmi? nə təklif edərsiniz?

“Bunun qarşısını almaq üçün ictimai nəzarətin güclənməsini, eyni zamanda ali məktəb müəllimlərinin bu proseslə bağlı sosial şəbəkələrdə onlar öz münasibətlərini bildirməlidirlər ki, onların səsi Elm və Təhsil Nazirliyinin rəhbərliyinə çata bilsin.

ADNSU-nun fəlsəfə kofedrasından bir müəllim mənə açıq məktub yazmışdı. Onu da qanunsuz şəkildə Mustafa Babanlı işdən çıxarmışdı. Qadın psixi sarsıntı keçirib xəstəlik tapmışdı bu haqsızlığa görə. Həmin qadın Təhsil Nazirliyinə 30-dan çox məktub ünvanlayıb. Bunların heç birinə baxılmayıb. Quruma rəhbərlik edən ali məktəblərə, akademiyanın institutlarına Elm və Təhsil Nazirliyi hətta xadimənin də ərizəsinə baxılmamış qalmamalıdır. Mən düşünürəm ki, Elm və Təhsil Nazirliyi təcili olaraq buna müdaxilə etməlidir. Vazeh müəllim bu problemlərin qarşısını almalı, həmin müəllimlərin hüquqlarını bərpa etməlidir”.

Tarix: 10 Yanvar 2025, 23:12

Xəbər lenti