BURADA REKLAMINIZ OLA
BİLƏR

BURADA REKLAMINIZ OLA
BİLƏR

Diqqət: Bugündən qüvvəyə minir

“Azərbaycan Respublikası vətəndaşlarının xarici ölkələrdə uçotu və haqqı ödənilən əmək fəaliyyəti ilə məşğul olan Azərbaycan Respublikası vətəndaşlarının qeydiyyatı Qaydaları”nda dəyişiklik edilib.

Pravda.az-ın məlumatına görə, bu barədə Xarici İşlər Nazirliyinin Kollegiyası qərar verib. 

Dəyişiklik “Azərbaycan Respublikası Xarici İşlər Nazirliyinin yerləşdiyi ərazi üzrə” sözünün “Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun yerli qurumu” sözləri ilə əvəz edilməsilə bağlıdır. 

Dəyişiklikdən sonra qeyd edilib ki, Azərbaycan Respublikasının konsulluğu “Əmək pensiyaları haqqında” Qanuna əsasən əmək pensiyası təyin edilmiş, xaricdə daimi yaşayan Azərbaycan vətəndaşlarının əmək pensiyası uçotunu aparır, onların siyahısını tərtib edir və həmin siyahını ildə iki dəfə (martda və sentyabrda) Xarici İşlər Nazirliyinin Konsulluq İdarəsi vasitəsilə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun yerli qurumuna göndərir. 

Azərbaycan konsulluğu xaricdə daimi yaşayan Azərbaycan vətəndaşlarına əmək pensiyasının təyin edilməsi məqsədilə onların ərizələrinin və siyahısı əmək pensiyasını təyin edən orqan tərəfindən müəyyən edilmiş sənədlərin sürətlərini konsulluğun müşayiət məktubuna əlavə edərək, Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun yerli qurumuna göndərilməsini təmin edir. Azərbaycan konsulluğunun müşayiət məktubunda vətəndaşa əmək pensiyasının təyin edilməsi üçün təqdim olunmuş sənədlərin adları sadalanır.

Azərbaycan konsulluğu xaricdə daimi yaşayan və əmək pensiyası alan Azərbaycan vətəndaşını uçotdan çıxardıqda (Xarici ölkələrdə daimi yaşayan Azərbaycan vətəndaşları uçota alındıqları konsulluq dairəsində daimi yaşayış uçotundan çıxmaq üçün müraciət etdikləri, onların Azərbaycan vətəndaşlığına xitam verildiyi, vəfat etdikləri, barələrində itkin düşmə və ya vəfat etmə haqqında məhkəmənin qərarı olduğu hallarda “Giriş-çıxış və qeydiyyat” idarələrarası avtomatlaşdırılmış məlumat-axtarış sistemi vasitəsilə uçotdan çıxarılırlar) Xarici İşlər Nazirliyinin Konsulluq İdarəsi vasitəsilə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun yerli qurumunu məlumatlandırır.

Qərar iyunun 25-dən qüvvəyə minib.

Tarix: 25 İyun 2020, 13:37   
-->
Xəbər lenti
Çox oxunanlar

Ən son xəbərləri səhifəmizdən də izləyin