Reklam
Bu şəxslərə hər ay 100 manat veriləcək
Sadır Japarov Azərbaycan Prezidentini təbrik edib
"ADY rəhbərliyi insanları dövlətlə üz-üzə qoyur"

Ermənistanın Azərbaycanın suveren ərazilərinə hərbi müdaxilə etməsi öhdəliyini götürməsi barədə məxfi sənədin olmasını ifşa edən material nümayiş etdirilib

Bu gün Bakı Hərbi Məhkəməsində davam etdirilən məhkəmə prosesində Ermənistanın birinci prezidenti Levon Ter-Petrsoyanın 1993-cü ildə keçmiş qondarma qurumun nümayəndələri ilə keçirdiyi görüşə dair videomaterial nümayiş olunub.

 

Pravda.az xəbər verir ki, videomaterialda çıxış edən Levon Ter-Petrosyan Azərbaycan ərazilərində qanunsuz olaraq yaradılan qondarma quruma Ermənistan adından ən yüksək təhlükəsizlik zəmanətləri verdiyini xatırladıb.

 

O, qondarma qurum və Ermənistan arasında imzalanacaq təhlükəsizlik zəmanətləri barədə müqaviləni məxfi sənəd adlandırıb.

 

Kadrlarda Ermənistanın keçmiş prezidenti müqavilənin iki nüsxədən ibarət olacağını deyərək əlavə edib: “Dağlıq Qarabağ Respublikası beynəlxalq ictimaiyyətin, Rusiya Federasiyasının, ABŞ-ın və xüsusilə Ermənistan Respublikasının Prezidenti Levon Ter-Petrosyanın zəmanətlərinə güvənir".

 

L.T.Petrosyan bildirir ki, Ermənistan özünün bütün imkanlarından, o cümlədən birbaşa hərbi müdaxilədən istifadə edəcəyini öhdəsinə götürür və gələcək danışıqlarda Laçının Azərbaycana verilməsi ehtimalını istisna edir.

 

Məhkəmədə dövlət ittihamını müdafiə edən prokurorların suallarını cavablandıran təqsirləndirilən şəxs Arkadi Qukasyan L.T.Petrosyanla keçirilən həmin görüşdə iştirak etdiyini bildirib. Həmin görüşü taleyüklü məsələ adlandıran təqsirləndirilən şəxs videomaterialın Kəlbəcər rayonu işğal olunduqdan sonra çəkildiyini xatırladıb və deyib ki, həmin görüş zamanı keçmiş qondarma qurumun Azərbaycanla danışıqlar aparan qrupunun rəhbəri və qurumun deputatı idi.

 

A.Qukasyan əlavə edib ki, bu görüşdən sonra Georgi Petrosyan istefa verib: "Parlamentin sədri vəzifəsini Karen Baburyan icra etməyə başladı. O isə Robert Koçaryanla birlikdə Levon Ter-Petrosyanın təqdim etdiyi sənədi imzaladı.

 

Həmin sənədə əsasən, Ermənistan Respublikası münaqişə tam başa çatana qədər Qarabağın təhlükəsizliyinin təminatını öz üzərinə götürürdü”.

 

Qeyd edək ki, Ermənistanın hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşlarının məhkəməsi davam etdirilir.
Tarix: 22 May 2025, 16:52   
Xəbər lenti
Çox oxunanlar
Komitə sədri: “Tbilisiyə bir nəfərin qatarla getməsi üç-dörd nəfərin taksi ilə getməsindən baha başa gələcək”
21 May 08:17 Özəl
AMİP və Müsavat arasında gərginlik – “Surət Hüseynova vəzifəni kim vermişdi?”
21 May 15:44 Özəl
Bakı-Tiflis qatarının sürəti: Azər Fərəcov riyaziyyatı harda öyrənib?
20 May 21:45 Cəmiyyət
Binalar sökülən zaman ədalət prinsipi necə qorunur? - AÇIQLAMA
21 May 09:05 Özəl
Avtomobildəki batıqlar rəng vurmadan belə düzəlir - VİDEO
20 May 22:35 Sosial
"WhatsApp"da mesajların silinmə qaydası dəyişir
21 May 07:56 Dünya
Qara günlər geridə qaldı: Bu BÜRC illərdir gözlədiyi şansı qazanacaq
21 May 00:41 Cəmiyyət
Samir Vəliyev: “Yaşam səviyyəsinin Afrikadan belə geridə olması ilə bağlı müqayisə populist yanaşmanın məhsuludur və doğru deyil”
21 May 08:41 Özəl
Azərbaycanda karantin rejimi belə ləğv olunacaq - DETALLAR
21 May 14:42 Sosial

Ən son xəbərləri səhifəmizdən də izləyin