BURADA REKLAMINIZ OLA
BİLƏR

Dövlət Ekoloji Ekspertiza Agentliyi: Nərimanovda ağacların xəstəlik səbəbindən quruduğu müəyyən edilib

Ekologiya və Təbii Sərvətlər Nazirliyi Nərimanov rayonu, Əhəməd bəy Ağaoğlu küçəsində 20 ədəd eldar şamının tikinti işləri aparılması məqsədilə kəsilməsi barədə məlumatlara aydınlıq gətirib.

 

Pravda az-ın sorğusuna cavab olaraq Dövlət Ekoloji Ekspertiza Agentliyindən bildirilib ki, Nərimanov Bələdiyyəsi tərəfindən daxil olan müraciət əsasında sözügedən əraziyə ekspertlər tərəfindən baxış keçirilib.

 

Baxış zamanı ağacların kənar müdaxilə nəticəsində deyil, xəstəlik səbəbindən quruduğu müəyyən edilib. Ərazidə yerli iqlimə xas yeni tinglərin əkilməsi şərti ilə qurumuş ağacların götürülməsinə rəy verilib və götürülmüş ağacların əvəzinə yeni tinglərin əkilməsi işləri davam edir.

 

Qeyd: Nə Dövlət Ekoloji Ekspertiza Agentliyi, nə də Bakı Şəhər Yaşıllaşdırma Təsərrüfatı Birliyi “müvafiq sənəd”in, yəni “rəy”in fotosunu təqdim ediblər. Sadəcə, açıqlama verməklə kifayətləniblər.

Tarix: 6 Oktyabr 2025, 17:29   
Xəbər lenti
Çox oxunanlar

Ən son xəbərləri səhifəmizdən də izləyin