BURADA REKLAMINIZ OLA
BİLƏR

DİQQƏT! Zahid Xəlilov küçəsindəki bu ərazidən KEÇMƏYİN – YOL ÇÖKƏ BİLƏR - VİDEO

Bakının Yasamal rayonu, Əhməd Cəmil küçəsinə, Hüseyn Cavid və Mətbuat prospektlərinə paralel olan Zahid Xəlilov küçəsində yol çökmə təhlükəsi ilə üz-üzədir.

 

Bu barədə Pravda.az-a şikayət ünvanlayan vətəndaşlar bildiriblər ki, sözügedən ərazidə altından dərin kanalizasiya xətti keçən “lyuk”un üzərindən hər gün tələbələr, məktəblilər, piyadalar hərəkət edirlər.

 

Saytımıza göndərilən görüntülərdən də aydın olur ki, “lyuk” hər an çökə bilər.

 

Məsələ ilə bağlı Pravda.az tərəfindən Azərbaycan Dövlət Su Ehtiyatları Agentliyinə sorğu ünvanlanıb. Qurumdan bildirilib ki, qeyd olunan quyu rabitə quyusudur və İri Şəhərlərin Birləşmiş Su Təchizatı Xidmətinə aid deyil.

 

Sorğu Rəqəmsal İnkişaf və Nəqliyyat Nazirliyinə yönəldilib.

 

Xatırlatma: İyun ayında Nərimanov rayonu, Baksol yolu adlanan ərazidə 27 yaşlı Cümşüd Cümşüdlü ərazidən keçərkən yolda çökmə baş verməsi nəticəsində kanalizasiya xəttinə düşərək həyatını itirmişdi. Ümid edirik, aidiyyəti qurumlar bu dəfə problemin tez həllinə çalışacaqlar.

 

Aytəkin Qardaşova

 

 

Tarix: 8 Oktyabr 2025, 17:18   
Xəbər lenti
Çox oxunanlar

Ən son xəbərləri səhifəmizdən də izləyin