BURADA REKLAMINIZ OLA
BİLƏR

Alma sirkəsi istifadə etmək üçün 7 səbəb

Alma şirəsinin fermentasiyası ilə əldə olunan alma sirkəsi təkcə yeməklərə ləzzət qatan inqrediyent deyil, həm də qədimdən bəri sağlamlıq və təmizlik məqsədilə istifadə edilən təbii vasitədir.


Pravda.az bildirir ki, alma sirkəsi mədə-bağırsaq sistemi, qan şəkəri, dəri və saç sağlamlığı üçün faydalı təsir göstərir.


Əsas faydaları:

Bağırsaq sağlamlığını gücləndirir - Fermentasiya nəticəsində yaranan “yaxşı bakteriyalar” həzmi tənzimləyir və bağırsaq florasını gücləndirir.


Qan şəkərini balanslaşdırır - Karbohidratlı yeməklərdən sonra qəbul edildikdə qlükozanın sürətli artımını azalda bilər.


Arıqlamağa dəstək verir - Müntəzəm istifadə qarın bölgəsində yağ yığılmasının azalmasına kömək edə bilər.


Antibakterial xüsusiyyətə malikdir - Su ilə qarışdırılaraq təbii təmizləyici kimi istifadə olunur.


Meyvə və tərəvəzlərin yuyulmasında - Pestisid və kimyəvi qalıqları azaltmaq üçün yuyulma suyuna əlavə edilə bilər.


Dəri və saç baxımında. Alma sirkəsi pH tarazlığını qoruyur, kəpəyi azaldır və tonik kimi istifadə edilə bilər.


Ağız sağlamlığı - Antibakterial təsiri sayəsində ağız içi bakteriyalarını azaldır, təbii təmizlik təmin edir.


İstifadə qaydaları:


Gündə 1 xörək qaşığı alma sirkəsini bir stəkan suya əlavə edib içmək.


Salat və yeməklərdə təbii sirkə kimi istifadə etmək.


Ev təmizliyində su ilə qarışdırıb sprey şəklində tətbiq etmək.


Saç yuma suyuna və ya üz tonikinə əlavə etmək.


Diqqət edilməli məqam:

 

Alma sirkəsini birbaşa və çox miqdarda içmək ağız və boğazda qıcıqlanma yarada bilər. Diş minasını qorumaq və orqanizmə zərər verməmək üçün hər zaman su ilə qarışdırılaraq istifadə olunması tövsiyə edilir.


Təbii tərkibli, çox yönlü təsirə malik alma sirkəsi düzgün istifadə olunduqda həm sağlamlıq, həm də ev baxımında faydalı vasitəyə çevrilir.


Əminə Bayramova 

Tarix: 13 Oktyabr 2025, 10:43   
Xəbər lenti
Çox oxunanlar

Ən son xəbərləri səhifəmizdən də izləyin