BURADA REKLAMINIZ OLA
BİLƏR

Məhkəmə parkda qıza görə qətl törədən yeniyetmə ilə bağlı qərarı elan etdi

Şəki Apellyasiya Məhkəməsində Göyçayda qıza görə qətl törətməkdə təqsirləndirilən yeniyetmə Səid Bayramlının barəsindəki hökmdən verilən apellyasiya şikayəti üzrə məhkəmə prosesi başa çatıb.


Pravda.az-ın əldə etdiyi məlumata görə, hakim İmanverdi Şükürovun sədrliyi ilə keçirilən prosesdə qərar elan edilib.


Qərara əsasən, zərərçəkmiş şəxsin hüquqi varisinin apellyasiya şikayəti təmin edilməyib.


İttihama görə, S.Bayramlı tanışı olan qızla - S.S. (adı, soyadı şərtidir) yaşadığı binanın yaxınlığındakı parkda görüşərkən Hüseyn Feyzullayev ona söz atıb. R.Feyzullayev ona həbsdə yatdığını bildirib və ondan məhəllədə qızla görüşməyi qadağan edib. Aralarında yaranan mübahisə zamanı R.Feyzullayev Səidi döyüb.


Xəsarət alan Səid evlərinə gələrək qisas almaq məqsədi ilə mətbəx bıçağı götürüb geri qayıdıb. O, R.Feyzullayevi 10 bıçaq zərbəsi ilə qətlə yetirib.


Qətli törədərkən S.Bayramlının 17 yaşı olub, R.Feyzullayev isə iki övlad atası idi.


Şəki Ağır Cinayətlər Məhkəməsinin hökmü ilə S.Bayramlı 9 il azadlıqdan məhrum edilib. 

 

Kamal Məmmədov 

Tarix: 14 Oktyabr 2025, 08:21   
Xəbər lenti
Çox oxunanlar

Ən son xəbərləri səhifəmizdən də izləyin