BURADA REKLAMINIZ OLA
BİLƏR

Əmisi oğlunu söyüşə görə bıçaqlayan şəxsə şərti cəza verildi

Lənkəran Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Emin Qəfərovun cinayət işi üzrə məhkəmə istintaqı başa çatıb.


Pravda.az-ın əldə etdiyi məlumata görə, hakim Cavid Səfərlinin sədrliyi ilə keçirilən prosesdə hökm oxunub.


Məhkəmənin hökmü ilə ona şərti cəza verilib.


İttihama görə, hadisə 26 may 2025-ci il tarixdə, saat 23 radələrində Biləsuvar şəhəri, Ə.Kürçaylı küçəsində, su kanalının yaxınlığında qeydə alınıb.


Belə ki, Emin Qəfərovun əmisi oğlu, zərərçəkmiş Elvin Qəfərov onun qardaşı və atası ilə mübahisə edib. Mübahisə zamanı zərərçəkmiş təqsirləndirilən şəxsin qardaşını vurub yerə yıxıb, atasının ünvanına isə nalayiq sözlər deyib.


Daha sonra Emin evdən götürdüyü mətbəx bıçağı ilə Elvinə qarşı qəsdən zor tətbiq edib, onun döş qəfəsinə bir zərbə vurub. Nəticədə o, zərərçəkmiş şəxsə insan həyatı üçün təhlükəli olan, sağlamlığa ağır zərər vuran xəsarətlər yetirib.


Hadisədən sonra Emin Qəfərov saxlanılıb və barəsində ev dustaqlığı qətimkan tədbiri seçilib.


Hazırda əmioğlanları barışıb, zərərçəkmişin Eminə qarşı şikayət və tələbi yoxdur.


Kamal Məmmədov 

Tarix: 15 Oktyabr 2025, 09:24   
Xəbər lenti
Çox oxunanlar

Ən son xəbərləri səhifəmizdən də izləyin