BURADA REKLAMINIZ OLA
BİLƏR

“Kütləvi aksiyaların təşkilində birbaşa Ramiz Mehdiyevin təşkilati və texniki dəstəyi olub” – Tural Abbaslıdan SENSASİON AÇIQLAMA

“Nəzərə alsaq ki, Ramiz Mehdiyev uzun illər dövlət rəhbərliyində işləyib, təbii olaraq, onun əlaqələri, resursları kifayət qədər böyükdür. İstər mediada, istər hakimiyyət daxilində. Əminəm ki, müxalifət ayağı da var idi. Uzun illər müxalifətin bəzi qanadı ilə danışıqlı oyun tərzində bu işləri həyata keçirirdi. Mən konkret ad çəkmək istəmirəm, çünki hazırda dəb düşüb, biz isə gündəmə gəlməmişdən bu məsələləri deyirdik, indi isə hamı danışır. Toz dumana qarışıb. İndi ad çəkmək bir az düzgün başa düşülməz. Deyərlər ki, bizi hədəf edirlər , amma əminəm ki, istintaq həqiqətən dərinə getsə, həqiqi araşdırmalar aparılsa, istər mediadan, istər siyası partiyalardan, istərsə də hakimiyyət daxilindəki strateji vəzifələrdən kifayət qədər şübhə altına düşəcək insanlar olacaq”.

 

Bu sözləri Pravda.az-a açıqlamasında Ağ Partiyanın sədri Tural Abbaslı deyib.

 

“Bir az səbir etmək, gözləmək lazımdır. Aşağı-yuxarı hamı hər şeyi bilir. Bir-iki gün gözləyək. Hər halda yavaş-yavaş aydınlaşacaq. Eyni fikirdəyəm, bəzi müxalifət partiyalarının süni şəkildə şişirdilməsi, onların imicinin yaradılması, hakimiyyətin guya əsas rəqiblərinin onlar olması barədə rəyin yaradılması üçün addımlar atılıb. Hətta bir çox hallarda kütləvi aksiyaların təşkilində birbaşa Ramiz Mehdiyevin təşkilati və texniki dəstəyi olub. Məqsəd nə idi? Yeni müxalifətin çıxmasının, mümkün müxalifət-iqtidar dialoqunun qarşısını almaq və bütün situasiyanı nəzarətdə saxlamaq ki, baxın, biz olmasaq, bu radikal müxalifət belə edər... Vəziyyət o hala gəlib çatmışdı ki, müxalifət və iqtidarın birgə görüşlərini ATƏT təşkil edirdi. Düşünürəm, zaman lazımdır. Dərinə gedən, çoxşaxəli bir istintaq olmalıdır. Ən azı onlarla insan bu cinayət işinə cəlb olunmalıdır”, - partiya sədri bildirib.

 

Aytəkin Qardaşova

Tarix: 15 Oktyabr 2025, 18:37   
Xəbər lenti
Çox oxunanlar

Ən son xəbərləri səhifəmizdən də izləyin