Şuşada qayalara yazı yazma: ehtiramın yanlış ünvanı

Putin dəmir yolu ilə bağlı prosesi ləngidir

“Zəngəzur dəhlizinin açılması öhdəliyi 10 noyabr, 2020-ci il Bəyanatında nəzərdə tutulub. Sonradan 2025-ci ilin avqust ayında Vaşinqton görüşündə bu dəhlizə “Tramp marşrutu” adı qoyuldu və ABŞ-nin də bu prosesdə iştirak edəcəyi bildirildi. 42 km-lik Azərbaycanı Naxçıvanla birləşdirən hissədən dəmir yolu bərpa olunmalı, avtomobil yolu çəkilməli, həmçinin kabellər, boru kəmərləri və digər kommunikasiya xətləri yerləşdirilməlidir. İndi dəmir yolunun bərpa olunma məsələsi Rusiyanın üzərinə düşür”.

Bu sözləri Pravda.az-a açıqlamasında siyasi ekspert Abutalib Səmədov deyib.

Radikal müxalifət liderləri Avropa İttifaqından aldıqları qulaqburmasından sonra fəallaşacaqlar, ölkəmizə qarşı kampaniyaya başlayacaqlar - RƏY Pravda. az

Onun sözlərinə görə, buna səbəb 2008-ci ildə Ermənistanla Rusiya arasında imzalanan müqavilədir: “Müqaviləyə əsasən, dəmir yolları 30 il müddətində Rusiyanın idarəçiliyinə verilib. Belə ki, 30 il müddətində Ermənistan dəmir yollarını idarə etmək barədə müqavilə imzalanıb. Buna görə 42 km-lik dəmir yolunun bərpasını Rusiya reallaşdırmalıdır. Rusiya prosesi ləngidir. Çünki dəmir yolu tikilib, bərpa olunduqdan sonra nəzarət ABŞ-nin üzərində olacaq. Eyni zamanda digər kommunikasiyaların salınmasında da Amerika şirkətləri iştirak edəcəklər. Bu da təbii ki, Rusiyanı qane etmir. Mümkün qədər bunu ləngitməyə çalışır. Amma nə qədər ləngidə biləcək? Ukrayna ilə müharibəsi davam etdiyi müddətcə Rusiya bu dəmir yolunun bərpasına vəsait ayıracaqmı? Baxmayaraq ki Rusiyanın bunun üçün kifayət qədər imkanı var. Güman ki, yaxın zamanda istəsə də, istəməsə də həmin dəmir yolunu bərpa etməyə məcbur olacaq”.

A.Səmədov bildirib ki, Ermənistanın Rusiyadan uzaqlaşması Rusiya hakimiyyətini qane etmir: “Asıllıq hələ qalmaqdadır. Xüsusilə Ermənistan iqtisadi cəhətdən Rusiyadan çox asılıdır. Rusiya, Ermənistanın əsas ticarət tərəfdaşıdır. Bu uzaqlaşmanın qarşısını almaq üçün Rusiyanın atacağı addımlar hazırda yox dərəcəsindədir, çünki Ukrayna müharibəsi ilə məşğuldur. Müharibə bitdikdən sonra təbii ki, Ermənistana qarşı həm iqtisadi təzyiqlərdən istifadə edəcək, həm də hərbi yollardan istifadə etməyə cəhd göstərəcək. Təsadüfi deyil ki, Kremlin düşündüklərini dilə gətirən jurnalist Vladimir Solovyov bu günlərdə Ermənistanda xüsusi əməliyyat keçirilməsinin zəruriliyindən danışıb. Ehtimaldır ki, Rusiya Ermənistana qarşı bu addımı da ata bilər”.

Qeyd: Ermənistan Türkiyə ilə Azərbaycan arasında dəmir yolu xəttinin müəyyən hissələrinin təmiri ilə bağlı Rusiyadan cavab gözləyir. Ermənistanın baş naziri Nikol Paşinyan bildirib ki, davam edən proseslər nəzərə alınmaqla, qərar gecikmədən verilməlidir.

Şəhanə Quliyeva

Tarix: 16 Yanvar 2026, 10:55

Xəbər lenti