BURADA REKLAMINIZ OLA
BİLƏR

Deputat: “Müxalifət hakimiyyətdə təmsil olunmaq istəyirsə, siyasi mövqeyini dəyişməlidir”

“Hakimiyyətin strategiyasını və taktikasını tənqid edən qüvvələr hakimiyyətlə bir komandada ola bilməzlər. Müxalifət hakimiyyətdə təmsil olunmaq istəyirsə, onda ilk növbədə siyasi mövqelərini dəyişməlidirlər. Elan edilən siyasi kursu dəstəkləməli, onun icrasında fəaliyyət göstərməlidirlər. Bu həm hökumətə, həm də yerli icra hakimiyyətlərinə aiddir. Yerli icra hakimiyyətlərinin başçıları Prezident tərəfindən təyin edilir. O şəxs ki seçkilərdə müxalifət nümayəndələrinə qalib gəlir. Prezidentin onu tənqid edən partiyanın nümayəndələrini yerlərdə öz nümayəndəsi kimi təyin etməsi heç bir demokratik prinsiplərə uyğun gəlmir”.

 

Bu sözləri Pravda.az-a açıqlamasında Milli Məclisin deputatı Aydın Mirzəzadə dedyib.

 

A.Mirzəzadənin sözlərinə görə, müxalifət bir qayda olaraq belə bir şayiə yaymağa çalışır ki, guya məmur ordusunun hamısı qeyri-qanuni işlərlə məşğuldur: “Halbuki o işlərlə məşğul olanlar elə hakimiyyət tərəfindən ifşa edilir, layiqli cəzalarını alırlar. Bununla bağlı vaxtaşırı cəmiyyətə açıq məlumat verilir. İşinə məsuliyyətlə yanaşanlar, Prezidentin göstərişlərini yerinə yetirənlər də var. Onların fəaliyyətinə xalq qiymət verir. Kim ki etimadı doğrultmur, yaxud siyasi kursa zidd fəaliyyətlə məşğul olur, onların yolu bizimlə bir ola bilməz.  Müxalifətin bu iddiası göstərir ki, demokratiya anlayışı barədə məlumatları çox zəifdir. Demokratik dövlətlərdə hakimiyyətdə ancaq hakim siyasi kursu dəstəkləyən qüvvələr təmsil olunurlar”.

 

Aytəkin Qardaşova

Tarix: 5 Fevral 2026, 13:25   
Xəbər lenti
Çox oxunanlar

Ən son xəbərləri səhifəmizdən də izləyin