Reklam
Avtomobildəki batıqlar rəng vurmadan belə düzəlir - VİDEO
Xəzər dənizində zəlzələ baş verib
Elm və Təhsil Nazirliyi bu istiqamət üzrə 12.7 milyon xərcləyəcək

Razi Nurullayevdən Zaur Mikayılovun dediklərinə cavab: “Günah vətəndaşda deyil, sistem boşluqlarındadır”

Azərbaycan Dövlət Su Ehtiyatları Agentliyinin (ADSEA) sədri Zaur Mikayılovun “Sənədsiz evlərə su, işıq, qaz verilməyəcək” açıqlaması cəmiyyətdə geniş rezonans doğurub. Bu qərarın əsas yükünün məhz vətəndaşların üzərinə düşməsi, sənədsiz tikililərə illərlə göz yuman və ya icazə verən qurumların məsuliyyətə cəlb olunmaması isə narazılıqları daha da artırır.

 

Mövzu ilə bağlı Pravda.az-a açıqlama verən Milli Məclisin deputatı Razi Nurullayevin sözlərinə görə, illərlə müxtəlif qurumların göz yumması, bəzi hallarda isə birbaşa iştirakı ilə formalaşmış bir vəziyyətin bu gün bütün məsuliyyətinin vətəndaşların üzərinə atılması nə hüquqi, nə də mənəvi baxımdan qəbulolunandır.

 

Deputat qeyd edib ki, insanlar həmin evləri birdən-birə tikməyiblər: “İllərlə kommunikasiyalar çəkilib, qeydiyyatlar aparılıb, dövlət qurumları bu prosesdən xəbərdar olub. İndi isə çıxıb demək ki, ssənədsizdir, su verilməyəcək, bu, problemin həllini daha da qəlizləşdirmək və vətəndaşlara psixoloji travma yaşatmaqdır. Ortada saxta sənəd, qanunsuz satış və ya icazə məsələləri varsa, ilk növbədə həmin sənədləri verənlər, göz yumanlar və bu prosesi idarə edən məsul şəxslər cavab verməlidir. Dövlət orqanlarının öz məsuliyyətini vətəndaşın üzərinə atması açıq şəkildə məsuliyyətsizlik və cavabdehlikdən yayınmadır. Digər tərəfdən, artıq həmin evlərdə illərlə yaşayan insanlar var. Onların su kimi əsas bir xidmətlə təmin olunmaması sosial baxımdan ciddi problem yaradır və bu, insanlara qarşı dolayısı ilə cəza tədbirinə çevrilir. Vətəndaş dövlətin səhvlərinin yükünü daşımalı deyil”.

 

R.Nurullayev qeyd edib ki, dövlət bu tikililəri qanunsuz hesab edirsə, onda hüquqi və ədalətli çıxış yolu təqdim etməlidir: “Bu, ya həmin evlərin leqallaşdırılması istiqamətində real mexanizmlərin tətbiqi, ya da söküntü qaçılmazdırsa, beynəlxalq standartlara uyğun şəkildə ədalətli kompensasiyanın verilməsi ilə mümkündür. İnsanları nə sənədləşdirmə imkanı olmadan, nə də alternativ təqdim etmədən fakt qarşısında qoymaq düzgün deyil. Qəti mövqeyim ondan ibarətdir ki, vətəndaş bu vəziyyətin əsas günahkarı deyil. Problemin kökü idarəetmədə və illərlə formalaşmış sistem boşluqlarındadır. Bu boşluqlar aradan qaldırılmadan inzibati qadağalar tətbiq etmək yalnız sosial gərginliyi artıracaq və problemi daha da dərinləşdirəcək”.

 

Şəhanə Quliyeva
Tarix: 13 Aprel 2026, 15:42   
Xəbər lenti
Çox oxunanlar
Yeni mənzilinə Nərimanovda 36 ayadək daxili kreditlə sahib ol - "Kristal!"
20 May 16:46 Sosial
Emin Əmrullayev Könül Abaslını işdən çıxardı - FOTO
20 May 14:13 Cəmiyyət
Azərbaycan Prezidenti fərman imzaladı
20 May 13:58 Siyasət
Pambıq kimi yumşaq dana qovurması resepti
20 May 03:14 Özəl
Günay Əliyevaya vəzifə verildi
20 May 11:53 Cəmiyyət
Vahid Məhərrəmov: “Xaricdən, Afrika ölkələrindən qonaqlar gəlir, bazarı dərhal yığışdırırlar, düzgün deyil”
20 May 09:09 Özəl
Tahir Kərimli: “Millət sevindi ki, heç olmasa, Gürcüstana dəmir yolu açılır, amma qiymətlər gözündən gətirdi”
20 May 16:16 Özəl
Modinin Meloniyə hədiyyəsi gülüş doğurdu - VİDEO
20 May 12:15 Dünya
Deputat: “Dəmir yolu daşımalarının bərpası quru sərhədlərin açılması anlamına gəlmir”
20 May 10:40 Özəl

Ən son xəbərləri səhifəmizdən də izləyin