Reklam
Bakı-Tbilisi sərnişin qatarının fəaliyyəti bərpa olunur? - RƏSMİ AÇIQLAMA
“Qaçqınkom” binaların dam örtüyünü icra başçısının oğluna məxsus olduğu bildirilən şirkətə təmir etdirəcək – 1.3 milyon sərf edəcək
“Azərişıq” Masallıda 8.1 milyonluq iş görəcək

Çay evinin sahibi ondan əmək haqqını tələb edən ofisianta xəsarət yetirdi – HÖKM

Nizami Rayon Məhkəməsində qəsdən sağlamlığa yüngül zərər vurmada təqsirləndirilən Xəlil Rüstəmovun (adı, soyadı şərtidir) cinayət işi üzrə məhkəmə istintaqı yekunlaşıb.

 

Pravda.az-ın əldə etdiyi məlumata görə, hakim Nəriman Mehdiyevin sədrliyi ilə keçirilən prosesdə hökm oxunub.

 

Məhkəmənin hökmü ilə icraata xitam verilib və o, cinayət məsuliyyətindən azad edilib.

 

İttihama görə, hadisə 06 fevral 2026-cı il tarixdə, gecə saatlarında paytaxtın Nizami rayonu ərazisində yerləşən “Çayla” çay evində qeydə alınıb.

 

Belə ki, Xəlil Rüstəmov ona məxsus sözügedən çay evinin kabinetində olan zaman orada ofisiant işləyən zərərçəkmiş F.F. (adı, soyadı şərtidir) təqsirləndirilən şəxsdən əmək haqqından yaranmış 114 manat borcunu tələb edib. Bu səbəbdən tərəflər arasında mübahisə yaranıb.

 

İstintaqla müəyyən edilib ki, mübahisə zamanı F.F.-in Xəlilin ünvanına nalayiq ifadələr işlətməsi sonuncunun qəzəblənməsinə səbəb olub. Təqsirləndirilən şəxs qisas almaq niyyəti ilə zərərçəkmiş şəxsin sağ qolunu tutaraq burub, daha sonra yumruq zərbələri ilə onun hər iki qol nahiyəsinə, təpiklə isə bud nahiyəsinə zərbələr endirib.

 

Hadisə nəticəsində zərərçəkmiş şəxsə sağ budun hematoması, hər iki bazunun qançırları, sol budun sıyrığı ilə müşayiət olunan və sağlamlığın qısa müddətə pozulmasına səbəb olan yüngül dərəcəli bədən xəsarətləri yetirilib.

 

Toplanmış sübutlara əsasən, Xəlil Rüstəmovun əməli Cinayət Məcəlləsinin 128-ci (qəsdən sağlamlığa yüngül zərər vurma) maddəsinə tövsif edilib.

 

Məhkəmənin hazırlıq iclasında o, elan olunmuş ittiham üzrə özünü təqsirli bildiyini qeyd edib. Xəlil Rüstəmov F.F.-ə dəymiş ziyanı ödədiyini və tərəflər arasında barışıq əldə olunduğunu deyərək, iş üzrə icraata xitam verilməsini məhkəmədən xahiş edib.

 

Eyni zamanda, məhkəmə iclasında zərərçəkmiş şəxs də təqsirləndirilən şəxslə barışdığını, ona dəymiş ziyanın tam ödənildiyini, heç bir şikayət və tələbinin olmadığını bildirib. O da iş üzrə icraata xitam verilməsi ilə bağlı məhkəməyə müvafiq ərizə təqdim edib.

 

Kamal Məmmədov
Tarix: 17 Aprel 2026, 08:19   
Xəbər lenti
Çox oxunanlar
Qorxmaz Hüseynov bu ölkədə özünə biznes qurdu - DETALLAR
18 May 01:52 Cəmiyyət
Bu artıq adi yağış deyil: Azərbaycanda ekstremal hava niyə artır?
17 May 20:19 Sosial
Bu yay hər kəs bunları geyinəcək
18 May 09:55 Özəl
Mənzil bazarında yenidən BAHALAŞMA - VİDEO
17 May 22:40 Sosial
Vüqar Qurbanova AĞIR İTKİ
17 May 22:34 Özəl
Röya illər sonra keçmiş həyat yoldaşı ilə - VİDEO
18 May 01:59 Cəmiyyət
Dənizə yaxın bağ evlərinin kirayəsi neçəyədir? - VİDEO
18 May 01:47 Sosial
Vilyam Hacıyevin lüks avtomobillərinə alıcı tapılmır: Qiymətləri endirildi
18 May 10:06 Cəmiyyət
Bu zənglər təhlükə mənbəyidir – XƏBƏRDARLIQ - VİDEO
18 May 00:02 Sosial

Ən son xəbərləri səhifəmizdən də izləyin