“Ermənistan ordusu cəbhə boyu ağ bayraq qaldıraraq təslim olmaq ərəfəsindədir”

Azərbaycan Ordusunun döyüş meydanında ardıcıl uğurları, xeyli sayda ərazilərimizin, o cümlədən strateji əhəmiyyətə malik Füzuli şəhərinin işğaldan azad olunması düşmən ölkənin ordusunda ruh düşkünlüyünü daha da artırıb.

 

Bunu Milli Məclisin deputatı Könül Nurullayeva deyib.

 

Onun sözlərinə görə, Ermənistan ordusu faktiki bütün cəbhə boyu ağ bayraq qaldıraraq təslim olmaq ərəfəsindədir. Gəncədə və digər şəhərlərimizdə mülki insanların hədəfə alınaraq öldürülməsinin cəzasını Ermənistan döyüş meydanında artıqlaması ilə ödəyir: "Düşmənin atəş nöqtələri, canlı qüvvəsi və hərbi infrastrukturu məhv edilir. Döyüş meydanında kütləvi itkilər daxildə narazılığı daha da artırıb, onsuz da böhran vəziyyətində olan Ermənistanı tamamilə iflic edib. İşğalçı ölkədə sosial böhran pik həddə çatıb. 8 milyard borcu olan Ermənistan bu hərbi əməliyyatlarda 2 milyarddan çox pul itirib, hərbi texnikasının 80%-i məhv edilib. Aydın görünür ki, Ermənistanın hərbi əməliyyatları davam etdirməyə nə maddi, nə də mənəvi-psixoloji resursu qalmayıb. Orduda fərarilik getdikcə artır, hərbi xidmətdən yayınanların həbsi və açılan cinayət işləri də artıq nəticə vermir. Əsgər anaları övladlarını özgə torpaqda ölümə göndərmək istəmir".

 

Deputat vurğulayıb ki, baş verənlərin fonunda Paşinyan hakimiyyətinin reallıqla barışmaqdan başqa çıxış yolu qalmayıb: "Erməni mətbuatının yazdıqlarından da aydın görünür ki, Paşinyan müxtəlif vasitəçilərin imkanlarından yararlanmaqla Azərbaycan Prezidenti ilə təmas qurmağa can atır. Ermənistan hakimiyyəti Azərbaycan Prezidentinin bütün şərtlərini qəbul edərək, işğal altında olan əraziləri tərk etməyə hazır olduğu barədə mesajlar ötürür. Bu isə bir daha göstərir ki, Ermənistan ordusunun və hərbi-siyasi rəhbərliyinin müqavimət imkanları tam tükənib".

Tarix: 18 Oktyabr
Notice: Undefined index: getyear in /home/pravda/public_html/web/pages/news.php on line 26

Notice: Undefined variable: netice in /home/pravda/public_html/web/pages/news.php on line 26
2020, 10:55   
Xəbər lenti
Çox oxunanlar

Ən son xəbərləri səhifəmizdən də izləyin