Karantin rejimi yanvarın 31-dək uzadıldı - Gürcüstanda

Gürcüstanda epidemioloji vəziyyətin pisləşməsi ilə əlaqədar olaraq ölkə ərazisində noyabrın 28-dən yanvarın 31-dək sərbəst hərəkət saat 21:00-dan 05:00-dək məhdudlaşdırılıb.

 

Müvafiq qərar Gürcüstan Baş nazirinin rəhbərliyi ilə fəaliyyət göstərən Qurumlararası Koordinasiya Şurası tərəfindən qəbul edilib.

 

Sərbəst hərəkətə gətirilən məhdudiyyətə yalnız yeni il bayramı ilə əlaqədar olaraq dekabrın 31-dən yanvarın 6-dək icazə veriləcək.

 

Gürcüstan Qurumlararası Koordinasiya Şurasının qərarına əsasən, noyabrın 28-dən yanvarın 31-dək ölkə ərazisində dəmiryolu, avtobus və mikroavtobuslarla müntəzəm sərnişin daşımalarına da məhdudiyyət tətbiq ediləcək.

 

Məhdudiyyətin taksi fəaliyyətinə şamil edilmədiyi bildirilib.

Tarix: 26 Noyabr 2020, 14:25   
Xəbər lenti
Çox oxunanlar

Ən son xəbərləri səhifəmizdən də izləyin