"Hansı hərf özünü yaxşı aparmırsa, aşıq onu silir və yerinə l yazır" - FOTO

Aşıq Namiq Fərhadoğlunun "Facebook" sosial şəbəkəsindəki paylaşımı hərf səhvlərinə görə müzakirələrə səbəb olub.

Pravda.az-ın xəbərinə görə, yazıçı Kəramət Böyükçöl ironik münasibət bildirib.

"Dil öz-özlüyündə canlı bir prosesdir və burada bir söz digər sözün xoşbəxtliyinə maneə olmasın deyə sazoloq aşıq Namiq yeni orfoqrafiya qaydaları müəyyənləşdirmişdir. Bu qaydalara görə cümlə kiçik hərflə başlamalı, sonrakı söz isə böyük hərflə yazılmalıdır. Və qəribədir ki, aşıq buna heç bir izahat vermir və biz də bu məsələni sual altında saxlayırıq. Ovqat sözü gözəl bir söz olduğu üçün onun qarşısında yerləşən efir sözü mütləq böyük hərflə yazılmalıdır və hər ehtimala qarşı t-dan sonra I müdafiə sərhəddinə də ehtiyac vardır. Ancaq təbii ki, burada hərf israfına da yol vermək olmaz. Ona görə də illərin sözündə qoşa l hərfinin birini sülhməramlı qismində gətirib ovqat sözünün sonuna qoymaq məqsədə daha uyğundur ki, efir sözü onu incitməsin. Emktar sözünə də burada postmodern yanaşma vardır. Əgər emktar yazanda hamı nə demək istədiyini başa düşürsə, bir də nəyə lazımdır əməkdar yazasan? Həm də əmktar sözünün sonundakı tar hissəsi bizim milli musiqi alətimiz olan tarın təbliğatı məqsədi daşıyır. Adın böyük, soyadınsa kiçik hərflə yazılması isə o deməkdir ki, soyadın daşıdığın insanlar artıq həyatda yoxdur, dünyasını dəyişmişdir. Qonağımızdır sözündə dır xəbər şəkilçisinin yerinə işlənən l hərfi və ondan əvvəlki l hərfi isə yenə də sözdə sülhməramlı mövqeyindədir. Hansı hərf özünü yaxşı aparmırsa, aşıq onu silir və yerinə l yazır" - K.Böyükçöl qeyd edib.

N.Fərhadoğlunun da mövqeyini dərc etməyə hazırıq.

Fotoları təqdim edirik
Tarix: 26 Noyabr 2020, 22:55   
Xəbər lenti
Çox oxunanlar

Ən son xəbərləri səhifəmizdən də izləyin