Rəsul Quliyev: “Bu quşbeyin anlamır ki...”

“Laçının erməni işğalından azad edilməsi fonunda erməni liderlərin, xüsusilə Paşinyanın xalqına söylədiyi yalanlar xüsusi yer tutur. Erməni millətçiləri XIX əsrin sonlarından bu günə qədər saxta tarix yaratmaqla, fövqəladə xalq olduqlarını daima şişirtməklə özlərini bugünkü bədbəxt hala gətirib çıxarıblar”.

 

Pravda.az-ın xəbərinə görə, bunu Azərbaycanın ABŞ-da yaşayan sabiq spikeri Rəsul Quliyev deyib.

 

R.Quliyev bildirib ki, dekabrın 4-də və 5-də Moskvaya Putinlə görüşə gedəcəyini elan edən Paşinyan ona xas olan lovğalığın qarşısını müvəqqəti belə ala bilmir və əcaib bir müsahibə verir: "Müsahibə başdan ayağa onun necə bir “fövqəlada qəhrəman” olduğuna həsr olunub. O, Putinlə gündə 5-6 dəfə danışdığını qeyd edir. Bunun yalan olduğu aydındır. Çünki Rusiya boyda böyük dövlətin prezidentinin gündə 5-6 dəfə Ermənistan adlanan kiçik bir dövlətin başçısı ilə danışması inandırıcı deyil. Çox böyük problemlərin (koronavirus, neft və qazın qiymətlərinin aşağı düşməsi, iqtisadiyatın böyük tənəzülə uğraması, dollara görə rublun ucuzlaşması və sair) içərisində olan Rusiya prezidentinin Paşinyanın boş nağıllarına qulaq asmağa bu qədər vaxtının olması mümkün deyildir. Ola bilər, Putinə zəng edib kimlərləsə danışıb və onunla danışıb kimi təqdim edib lovğalanır. Paşinyan intervyusunda Putinə Şuşanın Azərbaycana  verilməməsini izah edib və onun indi başa düşdüm dediklərin məntiqlidir deməsini qeyd edir. Bu quşbeyin anlamır ki, hətta Putin belə bir şey deyibsə belə, onun bu söhbəti açıqlamağa ixtiyarı yoxdur. Sözsüz bu intervyunun məzmunu Putinə çatdırılan kimi o görüşdən vaz keçməli idi. Düşünürəm ki, bu səviyyədə özündən müştəbeh olan bir şəxslə Putin, ümumiyyətlə, görüşməməlidir”.

Tarix: 1 Dekabr 2020, 09:11   
Xəbər lenti
Çox oxunanlar

Ən son xəbərləri səhifəmizdən də izləyin