BURADA REKLAMINIZ OLA
BİLƏR

BURADA REKLAMINIZ OLA
BİLƏR

Hava daşımalarına dair YENİ PROSEDUR

Nazirlər Kabineti “Azərbaycan Respublikasının tərəfdar çıxdığı beynəlxalq müqavilələrə və qanunvericiliyə uyğun olaraq hava daşımalarına dair müqavilələrin rəsmiləşdirilməsi və sənədlərin tərtib edilməsi Qaydası”nda dəyişiklik edib.

 

Pravda.az-ın xəbərinə görə, Bu Qayda hava daşımalarının təşkili sisteminin təkmilləşdirilməsi məqsədi ilə hazırlanıb və Azərbaycan Respublikasının tərəfdar çıxdığı beynəlxalq müqavilələrə və qanunvericiliyə uyğun olaraq hava daşımalarının həyata keçirilməsi üçün müqavilələrin rəsmiləşdirilməsi, sənədlərin tərtib edilməsi yollarını, həmçinin sərnişin, baqaj və yük daşımalarını həyata keçirmək hüququna malik olan aviaşirkətlər (daşıyıcılar) və bu prosesə cəlb olunan Azərbaycan Respublikasının digər mülki aviasiya obyektləri üçün tələbləri müəyyən edir.

 

Müvafiq səlahiyyətli icra hakimiyyəti orqanı — Nəqliyyat, Rabitə və Yüksək Texnologiyalar Nazirliyi yanında Dövlət Mülki Aviasiya Agentliyi tərəfindən verilən və qüvvədə olan İstismarçı şəhadətnamələrinə (sertifikatlarına) malik olan aviaşirkətlərə bu sənədlərdə qeyd olunmuş şərtlərə uyğun hava daşımalarını həyata keçirmək hüququ verilir.

 

Qüvvədə olan Qaydaya görə, yükün hava daşıması haqqında müqaviləyə əsasən daşıyıcı yükgöndərən tərəfindən ona həvalə edilmiş yükü təyinat məntəqəsinə çatdırmağı və yükün alınması üçün səlahiyyəti olan şəxsə təhvil verməyi, yükgöndərən isə müəyyən edilmiş tariflə onun daşınmasına görə ödəniş aparmağı öhdəsinə götürüb. Dəyişiklikdə isə daşıyıcının haqq müqabilində hava daşımasını həyata keçirdiyi əksini tapır, yükalan və ya onların səlahiyyətləndirdiyi şəxsin öhdəliyi müəyyənləşir. Başqa sözlə, yükün hava daşıması haqqında müqaviləyə əsasən daşıyıcı yükgöndərən tərəfindən ona həvalə edilmiş yükü haqq müqabilində olduğu yerdən təyinat məntəqəsinə çatdırmağı və yükün alınması üçün səlahiyyəti olan şəxsə təhvil verməyi, yükgöndərən, yükalan və ya onların səlahiyyətləndirdiyi digər şəxs isə müəyyən edilmiş tariflə onun daşınmasına görə ödəniş aparmağı öhdəsinə götürür.

Tarix: 31 Dekabr 2019, 00:59   
-->
Xəbər lenti
Çox oxunanlar

Ən son xəbərləri səhifəmizdən də izləyin