“Real vəziyyəti bilməyən insan fikirləşər ki, Azərbaycanda müstəqil vəkillik heç yoxdur” – Anar Bağırov

Vəkillər Kollegiyasının sədri Anar Bağırov bir sıra beynəlxalq qurumların Azərbaycanda vəkillik institutunun sıradan çıxarılması barədə iddialarına cavab verib.

 

Pravda.az kollegiya sədrinin mövqeyini təqdim edir:

 

“Azərbaycan çox az ölkələrdəndir ki, burada fəalliyəti ilə bağlı vəkillərin həbs olunması, fiziki zorakılığa məruz qalması, vəkillərin ofislərində axtarış aparılması halları mövcud deyil. Vəkillərimiz çox gözəl bilirlər ki, bu cür cəhdlər olanda, Rəyasət Heyətinin rəhbərliyi vəkillərin müdafiəsi üçün bütün zəruri tədbirləri görüb, görür və qarşısını alır. Biz bunu piar xətrinə etmirik, paylaşmırıq. Sadəcə olaraq, öz vəzifələrimizi icra edirik, vəkillərin etimadını doğrultmağa çalışırıq. Deməli, xaricdə bəzi dairələr son 10 ildə Vəkillər Kollegiyası ilə hüquqi mübahisəsi olan bir neçə hüquqşünasın rəyi ilə qərəzli qara piar kampaniyası aparırlar, bizə qarşı əsas ittihamlardan biri kimi, 2018-ci ildən nümayəndəlik institutunun məhdudlaşdırılmasını belə göstərirlər.

 

Son illər ölkədə vəkillik sahəsində aparılan və cəmiyyətimiz tərəfindən alqışlanan islahatları, uğurları görmək istəmirlər. Azərbaycan vəkilliyini bir monstr təşkilat kimi təqdim edirlər. Real vəziyyəti bilməyən insan fikirləşər ki, Azərbaycanda müstəqil vəkillik heç yoxdur, mövcud deyil. Müstəqil Vəkillər Kollegiyasının qanuni və legitim qaydada seçilən sədri kimi, vəkillərimiz adından bu cür cəhdləri şiddətlə qınayıram, şanlı ölkə vəkilliyinə və vəkillərinə hörmətsizlik və sayğısızlıq kimi qəbul edirəm. Vəkillik sahəsində vəziyyətin həqiqətən də, ağır olduğu dövrdə bir peşə birliyi kimi, vəkilliyin mövcudluğu hiss olunmayan illərdə bu təşkilatlar harada və nə ilə məşğul idilər, niyə susurdular?

Tarix: 27 Yanvar 2021, 00:50   
Xəbər lenti
Çox oxunanlar

Ən son xəbərləri səhifəmizdən də izləyin