Tərtər RİH məlumat yaydı

Tərtər Rayon İcra Hakimiyyəti (RİH) vətəndaşın şikayəti ilə bağlı məlumat yayıb.

RİH-dən Pravda.az-a daxil olan açıqlamada deyilir:

Fevralın 22-də “Evləri dağıdılan vətəndaşlara ayrılan pullar kimlərin ciblərini doldurur” başlığı altında yerləşdirilmiş Kəlbəcər rayonunun Bağlıpəyə kəndindən məcburi köçkün, Əskipara kəndində məskunlaşmış Umudov Rasim Tapdıq oğlunun müraciəti ilə bağlı bildiririk ki, işçi qrupu tərəfindən 28 noyabr 2020-ci il tarixdə onların evinə baxış keçirilib, ev bərpa kateqoriyasına aid edilib, plastik kartına 1000 manat köçürülüb, atası Umudov Tapdıq Səlim oğlunun adına sənədləşmə işləri aparılıb.

Rayon icra hakimiyyəti tərəfindən işçi qrupunun işinə müdaxilə olunmayıb.

Əskipara kənd İƏD üzrə nümayəndə Pərviz Mustafayevin məlumatına əsasən çəkilişdən 2 gün öncə Rasim Umudovun özü tərəfindən otaqların divarları və evin dam örtüyü tamamilə uçurdulub.

Vətəndaş Rasim Umudovun çəkiliş zamanı Tərtər Rayon İcra hakimiyyətinin başçısı haqqında səsləndirdiyi fikilər qərəzli və əsassızdır. Onun söylədiyi fikilər özü təzadlıdır. Rasim Umudov həm günlərlə icra başçısının onu qəbul etmədiyini söyləyir, həm də icra başçısının ona evlərinin bərpa olunacağını dediyini bildirir.
Vətəndaş Rasim Umudovun ailəsi Əskipara kənd məktəbində məskunlaşıb ki, həmin məktəb özü də Vətən müharibəsində zərər çəkib.

Umudovlar ailəsinə mütəmadi olaraq Heydər Əliyev Fondu, rayon icra hakimiyyəti, Qızıl Aypara Cəmiyyəti, DSMF tərəfindən ərzaq yardımları və 5 ədəd yataq dəsti, çarpayı, geyim dəstləri, yanacaq üçün odunla təmin olunub. Ailə üçün Qızıl Xaç Komitəsi tərəfindən sanitar qovşaq və hamam da quraşdırılıb.

Əlavə olaraq bildiririk ki, Umudovlar ailəsinə Əskipara kəndində məcburi köçkün olduqları üçün “OKSFAM” şirkəti tərəfindən 1 otaqlı ev tikilib, sonradan onlar həmin evin ətrafında artırma aparıblar. 

Tarix: 22 Fevral 2021, 15:00   
Xəbər lenti
Çox oxunanlar

Ən son xəbərləri səhifəmizdən də izləyin