BURADA REKLAMINIZ OLA
BİLƏR

BURADA REKLAMINIZ OLA
BİLƏR

"Heç bir karantin tədbirlərinə ehtiyac yoxdur, zərər verir və öldürücüdür" - İlqar Məmmədov

Azərbaycanda indiyədək nə qədər insan covid-19`dan həyatını itirib və nə qədəri ona yoluxub? Hesablayaq.

Əvvəlcə beynəlxalq elmi hesablamalarla başlayaq:

- İspaniya dövlət agentliyinin araşdırması deyir ki, Azərbaycanda yoluxanların 0.273 faizi öləcək.

- ABŞ dövlət agentliyinin araşdırması deyir ki, Azərbaycanda yoluxanların 0.313 faizi öləcək.

- İngiltərə yarı-dövlət qurumunun araşdırmaçıları deyir ki, Azərbaycanda yoluxanların 0.474 faizi öləcək.

- ABŞ-İngiltərə araşdırmaçıları qrupu deyir ki, Azərbaycanda yoluxanların 0.515 faizi öləcək.

Rəsmi statistikaya əsasən, Azərbaycanda 2015-2019`cu illərdə bütün səbəblərdən orta hesabla ildə 56 min adam ölürdü (±1500 nəfər).

Yenə də rəsmi statistikaya əsasən, 2020`ci ildə Azərbaycanda ölüm sayı 75,5 min təşkil edir. Onlardan 3 mini şəhidlərimizdir. Qalan 16,5 mini – səbəbi açıqlanmayan və heç vaxt baş verməyən miqyasda “artıqlama”dır.

Əvvəlki illərin ± prinsipini götürərək güzəştə gedib fərz edək ki, 1500 nəfər hansısa demoqrafik və digər “normal” səbəblərdən ölənlərdir.

Qalır 15000 normadan artıq ölüm. Bunların səbəbi nə idi? Məncə karantin. Amma hökumət deyəcək ki, bunları məhz koronovirus öldürüb. Yaxşı. Tutalım elə koronovirus. Onda hansı nəticəyə gəlirirk?

1. Koronovirus 15 min nəfər “normadan artıq” adam öldürübsə, ən azı bir neçə min “norma” daxilində də adam öldürüb. Məsələn, 3 min. 15 min +3 min =18 min.

2. Beləliklə, yuxarıdakı faizlərə söykənərək, koronavirusa yoluxanların sayını da hesablamaq mümkün olur:

- İspaniya dövlət agentliyinin araşdırmasını əsas götürsək, Azərbaycanda ötən il 6,6 milyon insan yoluxub (18000*100/0,273=6,6 milyon)

- ABŞ dövlət agentliyinin araşdırmasını əsas götürsək, Azərbaycanda ötən il 5,8 milyon insan yoluxub  (18000*100/0,313=5,8 milyon)

- İngiltərə yarı-dövlət qurumunun araşdırmaçılarının nəticələrini əsas götürsək, Azərbaycanda ötən il 3,8 milyon insan yoluxub  (18000*100/0,474=3,8 milyon)

- ABŞ-İngiltərə araşdırmaçıları qrupunun nəticələrini əsas götürsək, Azərbaycanda ötən il 3,5 milyon insan yoluxub (18000*100/0,515=3,5 milyon)

Yekun: rəsmi dövlət göstəricilərinə əsasən, əhalinin yuxarı-aşağı yarısı artıq bu virusa yoluxub. Heç bir karantin tədbirlərinə ehtiyac yoxdur - onlar ancaq zərər verir və öldürücüdür.

 

İlqar Məmmədov

 

REAL Partiyanın sədri

Tarix: 3 Mart 2021, 00:56   
Loading...

Xəbər lenti
Çox oxunanlar

Ən son xəbərləri səhifəmizdən də izləyin