BURADA REKLAMINIZ OLA
BİLƏR

BURADA REKLAMINIZ OLA
BİLƏR

Qalmaqallı məmurlar YAP-dan uzaqlaşdırılacaq

Martin 5-də Yeni Azərbaycan Partiyasının (YAP) növbədənkənar qurultayının keçiriləcəyi barədə məlumat yayılıb.

 

YAP-ın Siyasi Şurasının üzvü Şahlar Əsgərov deyib ki, növbəti qurultaydan sonra partiyada yeniliklərin olacağı gözləniləndir.

 

“Əlbəttə ki, partiya daxilində yeniliklərin olacağını gözləyirəm. Çünki müəyyən dəyişikliklərə ehtiyac yaranıb. O mənada ki, uzun illərin təcrübəsinə malik olan Yeni Azərbaycan Partiyasında təmsil olunan bəzi məmurların adları qalmaqallı məsələlərdə hallanır. İndi onların partiyada müəyyən vəzifələrdən kənarlaşdırılması, yaxud da ümumilikdə partiyadan uzaqlaşması gözlənilən haldır. Yəni bu mənim şəxsi qənaətimdir. Bu nöqteyi-nəzərdən bəzi dəyişikliklər baş verə bilər.

 

Həmçinin Azərbaycan öz ərazi bütövlüyünü bərpa etdikdən, Qarabağda zəfər qazandıqdan sonra partiyada bir daha gəncləşmə proseslərinə ehtiyac duyuldu. O mənada ki, 44 günlük Vətən müharibəsində iştirak edən xeyli sayda aktiv gənclərimiz oldu. Bu gənclər sırasında müharibədə uğurla döyüşüb, dövlətimizin medal və ordenlərini almış ictimai fəallar da az deyil. Həmin gənclərin partiya rəhbərliyində təmsil olunması mənim üçün arzuolunan haldır.

 

Bundan başqa, hazırda Qarabağa qayıdış proqramı prioritet məsələdir. Burada cəmiyyətin aktiv hissəsinin prosesdə hərəkətverici qüvvəyə çevrilməsini arzu edərdim. Artıq dövr, zaman dəyişib, yeni tələblər ortaya çıxıb. Yeni dövrün ictimai-siyasi, iqtisadi problemlərini dərindən bilən insanların partiyanın rəhbər orqanlarında təmsil olunmasını arzu edirəm”, - deyə Şahlar Əsgərov vurğulayıb.Azvision

Tarix: 3 Mart 2021, 11:38   
Loading...

Xəbər lenti
Çox oxunanlar

Ən son xəbərləri səhifəmizdən də izləyin