BURADA REKLAMINIZ OLA
BİLƏR

BURADA REKLAMINIZ OLA
BİLƏR

Aqil Abbas: "Hande Harmancı Azərbaycandan getsə, xəstəlik qalmayacaq"

“Xəstəlik var, amma bunu siyasiləşdiriblər”.

 

Bunu Pravda.az-a açıqlamasında Milli Məclisin deputatı Aqil Abbas deyib.

 

Deputat bildirib ki, Hande Harmancı ölkədən çıxıb getsə, Azərbaycanda xəstəlik qalmayacaq: “Ümumiyyətlə, ÜST-ü ləğv eləsələr, dünyada heç bir xəstəlik tapılmaz. Koronavirus testindən keçənlərin təxminən 2-2.5 faizində virus aşkarlanır. Test sayına nəzər salsaq, deməli, yoluxma sayında artım yoxdur. Testdən keçənlərin sayı çox olduqda yoluxma sayı da təbii olaraq çox olur. Sadəcə olaraq, əvvəllər sağalanların sayı daha çox idi, indi isə bir az azalıb. Karantin rejiminin yenidən tətbiq olunmasını istəmərəm, amma Operativ Qərargahın qərarından asılıdır. İnşallah karantin rejimi yenidən sərtləşdirilməz. Bu, həm də bizdən asılı olan məsələdir.  Bayram ərəfəsində rayona gedib-gəlməkdə, məncə, problem yoxdur, onsuz da rayonlarda xəstəlik daha azdır. Bəzi rayonlarda isə, ümumiyyətlə, yoxdur. Hande Harmancı çıxıb getsə, Azərbaycanda xəstəlik olmayacaq. Ümumiyyətlə, ÜST-ü ləğv eləsələr, dünyada heç bir xəstəlik tapılmaz”.

 

Nəzrin Cavid

 

 

Tarix: 3 Mart 2021, 11:45   
Loading...

Xəbər lenti
Çox oxunanlar

Ən son xəbərləri səhifəmizdən də izləyin