BURADA REKLAMINIZ OLA
BİLƏR

BURADA REKLAMINIZ OLA
BİLƏR

Ekspert: “Rusiya siyasi baxımdan uduşlu görünsə də, iqtisadi baxımdan zərərlə çıxa bilər”

“Rusiyanın öz qazını rublla satmaq tələbi gerçəkləşsə belə, bunun ciddi iqtisadi dividend gətirəcəyi mübahisəlidir. Avropalı əvvəl avro ödəyib birbaşa qazı alırdı. Bu tələblə razılaşacağı halda avronu verib rubl alacaq, Rusiyanın rublu ilə Rusiyanın qazını alacaq. Hər 2 halda Avropadan qaz üçün avro çıxacaq, hər 2 halda Rusiyaya satılan qaz üçün valyuta bazarından keçib gəlməklə avro daxil olacaq. Şübhəsiz ki, texniki baxımdan bu cür hesablaşma əlavə mürəkkəblik, valyuta mübadiləsi üçün çox da böyük olmayan əlavə xərclər yaradır. Amma Rusiya öz qazını rubla satmağın əvəzinə qarşlıqlı hesablaşmalarda milli valyutadan istifadə şərti qoysa idi və nəzəri olaraq qarşı tərəf bu şərtə razılaşsaydı, proses Rusiya üçün uduşlu olardı”.

 

Pravda.az-ın xəbərinə görə, bunu ekspert Rövşən Ağayev bildirib.

 

R.Ağayev qeyd edib ki, belə olan halda Rusiya həm qaza görə avro alardı, həm də Avropadan idxal etdiyi mallara görə avro xərcləmək əvəzinə öz rublunu təqdim edərdi: “Amma indiki şərtlərdə Rusiya siyasi baxımdan uduşlu görünsə də, iqtisadi baxımdan zərərlə çıxa bilər. Çünki qaz müqavilələri uzun müddətə bağlanır və rublun dəyərdən düşməsi Avropa üçün rus qazını daha ucuz əldə edə bilər. Hər halda avropalıların məzənnə dəyişikliyinə adekvat hər ay müqavilənin şərtlərini yenidən baxmağa razı olacaqları da real deyil”.

 

Nadir

Tarix: 24 Mart 2022, 20:33   
-->
Xəbər lenti
Çox oxunanlar

Ən son xəbərləri səhifəmizdən də izləyin