BURADA REKLAMINIZ OLA
BİLƏR

BURADA REKLAMINIZ OLA
BİLƏR

Aslan İsmayılov: “Bizimkilər Xankəndidə işıq, su, telefon xətlərini də bərpa etsinlər”

“Azəriqaz” İstehsalat Birliyinin Xankəndiyə qaz verilməsi istiqamətində apardığı işlərlə bağlı sosial şəbəkədə qazı onlara kim, hansı qiymətə verəcək, limitin olub olmaması barədə yayılan yazılara fikrimi bildirirəm. Əksər hallarda hakimiyyət əleyhinə fikir bildirənlər faktiki olaraq dövlətçilik əleyhinə təbliğat apardıqlarının fərqində deyillər. Bəri başdan deyim ki, mənim də bildiyim ancaq odur ki, Xankəndiyə gedən qaz xətti bizimkilər tərəfindən təmir olunub. İstəyirəm ki, bizimkilər Xankəndidə işıq, su, telefon xətlərini də bərpa etsinlər.

 

Pravda.az-ın xəbərinə görə, bunu hüquqşünas Aslan İsmayılov bildirib.

 

“Bu gün qazın onlara kimlər tərəfindən, hansı qiymətə veriləcəyi, limitin olub olmaması məni əsla maraqlandırmır. Məni maraqlandıran odur ki, Xankəndiyə gedən qaz borusunun, su, işıq xətlərinin də krantları bizim əlimizdə olsun və orada yaşayan ermənilər özlərini bizim hakimiyyət strukturlarında asılı olduğunu dərk edib bizim vətəndaşlar olsunlar. Hamımız anlamalıyıq ki, məhz Xankəndi və onun ətrafında yaşayan 20-30 min ermənidən bu gün erməni separatçıları və onların Rusiyada oturan sahibləri tərəfindən bizim müstəqilliyimizin təhdid olunması üçün istifadə edilirlər. Biz düşmənlərimizi ancaq bu ermənilərin yaşayışı üçün vacib olan infrastrukturu idarə etməklə, onlara Azərbaycan vətəndaşları kimi normal şərait yaratmaqla tərksilah edə bilərik. Düşmənlərimiz də məhz bunu istəmirlər. Ona görə də bu mövzularda fikir bildirənlərdən xahiş edirəm ki, bu günkü həssas məqamda hakimiyyətə qarşı olan narazılıqlarını dövlətçiliyimizə qarşı yönəltməsinlər” – A.İsmayılov qeyd edib.

Tarix: 28 Mart 2022, 07:40   
-->
Xəbər lenti
Çox oxunanlar

Ən son xəbərləri səhifəmizdən də izləyin