BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: “Xankəndidə yaşayanlar Azərbaycanın yardımına möhtacdırlarsa, deməli, vətəndaşlığı da qəbul edəcəklər”

“Azərbaycan dövləti, Prezident İlham Əliyev bütün məsələlərə humanist mövqedən yanaşır. Yəni, Azərbaycan dövləti Qarabağda yaşayan əhalini qazsız buraxmır və dinc əhalinin həyatını təhlükəyə atmırsa, bu humanist addım alqışlanmalıdır. Yəqin ki, Qarabağda yaşayan ermənilər qısa vaxtda Azərbaycan vətəndaşlığını qəbul edəcəklər. Çünki həmin ərazilər seperatçılardan təmizlənir və orada yaşayan ermənilərin əksəriyyəti də Azərbaycan vətəndaşlığını qəbul etmək niyyətindədirlər. Sadəcə, onlar müəyyən təsir və qorxu altında bu addımı atmaqdan çəkinirlər”.

 

Bunu Pravda.az-a açıqlamasında Milli Məclisin deputatı Tahir Rzayev deyib.

 

Deputat hesab edir ki, Azərbaycan Xankəndidə yaşayan erməniləri qazla təmin edərək, əslində, onları özünə tabe edir: “Əgər onlar Azərbaycandan deyil, başqa dövlətlərdən qazla təmin olunsaydılar, vəziyyət başqa cür olardı. Yəni, Xankəndinin hazırki əhalisi Azərbaycan ərazisində yaşadığını unutmamalıdır. İndi onlar bizim qazımıza, işığımıza, müəyyən maddi yardımımıza möhtacdırlarsa, deməli, vətəndaşlığımızı da qəbul edəcəklər. Ona görə də Xankəndiyə qazın və işığın Azərbaycan tərəfindən verilməsinin tərəfdarıyam. Fikrimcə, çox keçməz, Xankəndidə yaşayan ermənilər Azərbaycan vətəndaşlığını qəbul etməyin vacibliyini dərk edər və seperatçıları özləri həmin torpaqlardan uzaqlaşdırarlar. Təlaşa düşmək lazım deyil, Xankəndinin qazla təminatı düzgün seçimdir. Bu, həm də ermənilərin səhvlərini dərk etmələri üçün verilən dərsdir”.

 

Nəzrin Cavid

Tarix: 28 Mart 2022, 12:16   
-->
Xəbər lenti
Çox oxunanlar

Ən son xəbərləri səhifəmizdən də izləyin