Toylara “pul yazdırmaq” elektron qaydada olacaq – Yeni sistemin funksiyaları nədən ibarətdir? - VİDEO

Toylarda pul yığımının adət etdiyimiz kimi deyil, elektronlaşdırlmış yeni üsulla həyata keçirilməsi prosesinin üstünlükləri və bunun əlverişli tərəfləri nələrdir?

Bu barədə Pravda.aza “TOYPAY” MMC-nin direktoru Elşən Quliyev məlumat verib.

Toypay.az - Home | Facebook

E.Quliyev bildirib ki, yaradıcısı olduğu şirkətin layihəsi olan “TOYPAY” adlı elektron terminallar və proqram təminatı toy məclislərində hədiyyə ödənişlərin yığımını asan şəkildə həyata keçirməyin müasir üsuludur: “Şirkətin təqdim etdiyi xidmət şadlıq sarayı vasitəsilə toy sahiblərinə elektron terminalların icarəsini həyata keçirməyə imkan verir. Bu terminlların toy məclislərinin keçirildiyi toy zallarının foyesində yerləşdirilməsi nəzərdə tutulur. Toydan öncə toy sahibi olan şəxs terminallarda müəyyən tənzimləmələr həyata keçirə bilir. Buraya pulu yığan tərəflərin müəyyənləşdirilməsi, yəni “qız evi”, “oğlan evi” yaxud da hər ikisi, minimal qəbul ediləcək əskinasın nominal ədədi, ödəniş siyahılarının qız və oğlan evlərinin ortaq və ya ayrı-ayrılıqda görünməsi, sistem vasitəsilə qeydə alınacaq video təbriklərin davamlılıq müddəti, bildirişlərin qəbul edilməsi üçün email ünvanlarının qeyd edilməsi (toya pul yazdıran şəxsləri və məbləği real vaxt rejimində görmək üçün - red), eyni zamanda terminalın üst ekran hissəsində bəy və gəlinin şəkillərindən ibarət slayd şounun göstərilməsi kimi tənzimlənən məlumatlar daxildir. Bu qeydiyyat tənzimləmələri həyata keçirildikdən sonra terminalın ana ekran görüntüsü açıq olub, əməliyyata hazır vəziyətə gətirilir. Terminalın kassasının açarı toy sahibinə təhvil verilir”.

E.Quliyev əlavə edib ki, əgər məclis zamanı kimsə “qız evi” olduğu təqdirdə yalnışlıqla “oğlan evi” bölməsini seçsə, toy sahibi tənzimləmələr bölməsindən həmin əməliyyatı asanlıqla redaktə edə bilər: ““Toypay” ilə pul yazdırmaq istəyən qonaq, terminalın ekranında dil seçimini edir, ad, soyadını və qeyd bölməsini doldurur, təbriklərini qeyd etdikdən sonra məbləği daxil edir və çek əldə edir. Bu anda ev yiyəsinə email ilə bildiriş göndərilir ki, filan şəxs sizin toyunuza bu məbləğdə (məsələn 100AZN - red) pul yazdırdı. Toy bitdikdən sonra isə ev yiyəsi rahat bir şəkildə bütün məlumatları təhvil alır və artıq saymağa ehtiyac olmadan sonda nə qədər məbləğin toplandığını bilərək həmin məbləği terminalın seyfindən əldə edir. Terminalın yaddaşında saxlanılan məlumatlar, yəni video-təbrik mesajları, toy məclisinin siyahıları məclis bitdikdən sonra yaddaş kartı vasitəsilə, həmçinin email vasitəsilə toy sahibinə təhvil verilir. Bundan sonra isə onların yaddaşı sıfırlanır və terminalda keçən toyla bağlı heç bir məlumat qalmır. Əlavə etmək lazımdır ki, terminallarda aparılan əməliyyat üzrə heç bir faiz və ya komissiya haqqı nəzərdə tutulmur. Onlar vasitəsilə ödəniş edildikdə heç bir vergi tətbiq olunmur və bu səbəbdən çeklər vasitəsilə ƏDV qaytarılmır. Əgər bu terminallarla yalnız toyun keçirildiyi məkanda ödəniş etmək mümkün olacaqsa, şirkətin istifadəyə verəcəyi mobil tətbiq vasitəsilə toylara pulun yazılması prosesi nağdsız və məsafəli şəkildə də həyata keçriləcək”.

Leyla