BURADA REKLAMINIZ OLA
BİLƏR

Ucuz avtomobillər satışa çıxarıldı - QİYMƏTLƏR
Gorus və Basarkeşər istiqamətlərindən mövqelərimiz atəşə tutulub
Nazir Zakir Həsənov Baş Klinik Hospitalda müalicə olunan hərbi qulluqçuları ziyarət edib - FOTO - VİDEO

“Yoxsulluq həddində yaşayan bir nəfərin gündəlik qida rasionu təxminən 4.1 manat təşkil etməlidir”

“Azərbaycanda vətəndaşların yoxsul hesab edilmələri üçün rəsmi təsdiqlənən minimum yaşayış normalarının 3-cü dünya ölkələri səviyyəsində olduğu məsələsi barədə müxtəlif ekspertlər dəfələrlə yazıb. Amma bu məsələdə problem təkcə yoxsullar üçün nəzərdə tutulmuş istehlak səbətlərinin bizim hökumət tərəfindən daha da "yoxsullaşdırması" ilə bitmir. Nə səbəbdənsə yaşayış minimunun dəyəri ümumi təsdiqlənir, halbuki o 3 səbətdən (ərzaq, xidmət və qeyri-ərzaq səbətləri) formalaşır. Qanunla bu səbətlərin hər birinin dəyərinin ayrıca təsdiqlənməsi vacibdir.  Çünki ərzaq səbətinin dəyəri həm də aclıq həddini müəyyən etmək üçün istifadə edilir”.

 

Pravda.az-ın xəbərinə görə, bunu ekspert Rövşən Ağayev bildirib.

 

“Rəsmi məlumat olmadığı üçün özümüz kobud bir hesablama apara bilərik: rəsmi statistika pərakəndə əmttə şəbəkəsində ev təsərrüfatlarının alışlarının təxminən 60%-nin ərzağa xərcləndiyini bildirir. Bu rəqəmdən çıxış etsək, hazırda qüvvədə olan yaşayış minimunun dəyərinin 126 manatının ərzaq səbətinə aid olduğunu demək olar. Xidmət normativləri və onların tarifləri rəsmi təssiqləndiyi üçün bu səbəti də hesablamaq olar. Məsələn, 1 nəfər üçün elektrik enerjisinin istehlakı 50 kv/saat və ya orta tarif 9 qəpiklə 4,5 manat, təbii qaz istehlakı 21 kub və ya orta tarif 17 qəpiklə 3.6 manat), su istehlakı 10 kub və ya 1 manat tariflə 10 manat, istilik enerjisi hər 12 kv/metr mənzil sahəsi üçün 1,8 manat, ictimai nəqliyyat hər ay orta hesabla 50 gediş olmaqla 0.3 manat tariflə 15 manat, rabitə xidmətləri ailədə adambaşına ayda 1 manat təşkil edir. Bu məbləğlərin cəmi 35 manat edir, əlavə olaraq hökumətin təsdiqlədiyi qərara görə digər xidmətlər (təhsil, səhiyyə və s.) üçün də yuxarıdakı xidmətlərin 15%-i götürülməlidir - yəni təxminən 5 manat. Nəticə etibarı ilə hökumətin normativlərinə görə, ən yoxsul vətəndaş üçün xidmət səbətinin aylıq dəyərinin təxminən 40 manat olduğu görünür. Xidmət və ərzaq səbətinin dəyəri 166 manatdırsa, deməli yerdə qalan bütün zəruri qeyri-ərzaq malları üçün ayda 44 manat qalır.126 manat ərzaq səbətinin dəyəri o deməkdir ki, yoxsulluq həddində yaşayan bir nəfərin gündəlik qida rasionu təxminən 4.1 manat təşkil etməlidir. Hər kəs hazırkı qiymətlərlə 4.1 manata hansı qidalardan nə qədər istehlak edə biləcəyini bazar qiymətləri əsasında rahatlıqla hesablaya bilərsiniz” – R.Ağayev qeyd edib.

 

Kənan
Tarix: 1 İyul 2022, 14:50   
Xəbər lenti
Çox oxunanlar
Gəncədə evlər yararsız hala düşdü - Müğənni icra hakimiyyətini ittiham etdi - VİDEO
20 Mart 15:31 Sosial
On yeddi il rektor işlədi, övladları dolanışıq üçün evlərini kirayəyə verib mərkəzdən köçdülər
20 Mart 13:01 Cəmiyyət
Əkrəm İmamoğlu işində Acun Ilıcalının adı çıxdı
20 Mart 15:33 Dünya
Siyavuş Novruzov idmanda xəsarət aldı - Təcili əməliyyata götürüldü
20 Mart 10:56 Hadisə
“Hoteldə dövlət nümayəndələrinə qarşı videomu çəkdilər” - 22 yaşlı Türkanın başına gələnlər
20 Mart 17:11 Hadisə
Tənzilə Rüstəmxanlı: “Dedim, Sabir bəy kimləsə yazışır, dedi ki, ana, boş ver, son çırpınışlarıdır”
20 Mart 10:35 Siyasət
Azərbaycanda dövlət məmuru gənc yaşında vəfat etdi
20 Mart 17:56 Hadisə
"Kişinin də arvadı artist olar?" - Xalq artisti
20 Mart 13:14 Cəmiyyət
Bu BÜRClərin üzünə yazda yeni qapılar AÇILACAQ
20 Mart 15:35 Sosial

Ən son xəbərləri səhifəmizdən də izləyin