BURADA REKLAMINIZ OLA
BİLƏR

BURADA REKLAMINIZ OLA
BİLƏR

Məhkəmə gənci bıçaqlayan şəxsin cəzasını azaltdı

Bakı Apellyasiya Məhkəməsində qəsdən sağlamlığa ağır zərbə vurmada və xuliqanlıq etməkdə təqsirləndirilən Əli Mərdanovun barəsində olan hökmdən verilən apellyasiya şikayətinə baxılıb.

 

Pravda.az-ın əldə etdiyi məlumata görə, hakim Ziya Şirinovun sədrliyi ilə keçirilən prosesdə qərar elan olunub.

 

Qərara əsasən, apellyasiya şikayəti qismən təmin edilib, birinci instansiya məhkəməsinin çıxardığı hökm ləğv olunub.

 

Bildirilib ki, təqsirləndirilən şəxsin əməlinin sübuta yetirilməməsinə görə Cinayət Məcəlləsinin 221.3-cü (xuliqanlıq) maddəsi ilə bəraət verilib. Cinayət işi üzrə Əli Mərdanovun əməli Cinayət Məcəlləsinin 126.2.4-cü (qəsdən sağlamlığa ağır zərbə vurma) maddəsindən həmin Məcəllənin 126.1-ci maddəsinə tövsif edilib. Təqsirləndirilən şəxs Cinayət Məcəlləsinin 126.1-ci maddəsində nəzərdə tutulan cinayət əməlinin törədilməsində təqsirli bilinərək, ona 3 il müddətinə azadlıqdan məhrumetmə cəzası təyin olunub.

 

Hökm məhkum edilmiş şəxsin müdafiəçisi tərəfindən verilmiş apellyasiya şikayətinə münasibətdə qalan hissədə dəyişdirilmədən saxlanılıb.

 

Qeyd: Bakı Ağır Cinayətlər Məhkəməsinin hökmü ilə o, 7 il müddətinə azadlıqdan məhrum edilib.

 

Hadisə 2021-ci il sentyabrın 18-də Qaradağ rayonunda qeydə alınıb.

 

Belə ki, Ə.Mərdanov 1995-ci il təvəllüdlü Xankişiyev Ağaxan Rövşən oğlunu “Qobu Park” adlanan yaşayış kompleksinin ərazisində mübahisə zəminində bıçaqlayıb.

 

O, təcili tibbi yardımın köməkliyi ilə xəstəxanaya çatdırılıb və həkimlərin səyi nəticəsində həyatını xilas etmək mümkün olub.

 

Ə.Mərdanov polis əməkdaşları tərəfindən saxlanılıb.

 

Kamal Məmmədov

Tarix: 4 İyul 2022, 12:37   
-->
Xəbər lenti
Çox oxunanlar

Ən son xəbərləri səhifəmizdən də izləyin