BURADA REKLAMINIZ OLA
BİLƏR

BURADA REKLAMINIZ OLA
BİLƏR

Bakıda qardaşına 4 bıçaq zərbəsi vuran şəxs həbs edildi

Bakı Apellyasiya Məhkəməsində qəsdən sağlamlığa ağır zərbə vurmada və xuliqanlıq etməkdə təqsirləndirilən Emil Abıyevin barəsində olan hökmdən verilən apellyasiya şikayətinə baxılıb.

 

Pravda.az-ın əldə etdiyi məlumata görə, hakim Mirzəli Abbasovun sədrliyi ilə keçirilən prosesdə qərar elan olunub.

 

Qərara əsasən, apellyasiya şikayəti qismən təmin edilib, birinci instansiya məhkəməsinin çıxardığı dəyişdirilib. Hökmdən Cinayət Məcəlləsinin 70-ci (şərti) maddəsinin tətbiqinə dair müddəalar xaric edilib.

 

Belə ki, Emil Abıyevin üzərində 3 il müddətinə azadlıqdan məhrumetmə cəzası saxlanılıb. Cinayət Məcəlləsinin 69.3-cü maddəsinə əsasən, Emil Abıyevin 26 iyul 2021-ci il tarixdən 14 dekabr 2021-ci il tarixədək həbsdə qaldığı 4 ay 18 gün azadlıqdan məhrumetmə cəzası təyin edilmiş cəzadan çıxılmaqla üzərində qəti olaraq 2 il 7 ay 12 gün azadlıqdan məhrumetmə cəzası saxlanılıb.

 

Onun barəsində seçilmiş başqa yerə getməmək haqqında iltizam qətimkan tədbiri ləğv edilərək həbs qətimkan tədbiri seçilib və Emil Abıyev məhkəmə iclas zalından dərhal həbs olunub.

 

O, cəzasını ümumi rejimli cəzaçəkmə müəssisəsində çəkməklə cəzasının əvvəli 16 iyun 2022-ci il tarixdən hesablanıb.

 

Qeyd: Hadisə 26 iyul 2021-ci il tarixdə, saat 09:40 radələrində Bakı şəhəri, Nizami rayonu, K.Balakiyev küçəsində yerləşən mənzillərin birində qeydə alınıb.

 

Belə ki, Emil Abıyev mənzildə birgə yaşadığı qardaşı ilə mübahisə edib. Nəticədə o, masanın üzərindən götürdüyü məişət təyinatlı mətbəx bıçağı ilə qardaşının bədəninin müxtəlif nahiyyələrinə 4 zərbə endirib. Xəstəxanaya çatdırılan yaralının həyatını xilas etmək mümkün olub.

 

Daha sonra Emil Abıyev polis əməkdaşları tərəfindən saxlanılıb.

 

Bakı Ağır Cinayətlər Məhkəməsinin hökmü ilə ona şərti cəza verilib. O, məhkəmə zalından azadlığa buraxılıb. Bu hökmdən qardaşı narazı qalıb və o, apellyasiya şikayəti verib. Zərərçəkmiş Emil Abıyevə qanunla nəzərdə tutulmuş daha sərt cəzanın verilməsinə və işə baxılmasında vəzifəli şəxslərin fəaliyyətindəki pozuntulara, çatışmazlıqlara və ya nöqsanlara yol vermişlərsə barələrində xüsusi qərar çıxarılmasına dair yekun qərar qəbul edilməsini xahiş edib.

 

Kamal Məmmədov

Tarix: 4 İyul 2022, 13:12   
-->
Xəbər lenti
Çox oxunanlar

Ən son xəbərləri səhifəmizdən də izləyin