BURADA REKLAMINIZ OLA
BİLƏR

BURADA REKLAMINIZ OLA
BİLƏR

Azərbaycanda məktəbli “var-yox” söyüşünə görə bıçağa əl atdı - CƏZA

Gəncə Ağır Cinayətlər Məhkəməsində qəsdən sağlamlığa ağır zərər vurmada təqsirləndirilən Q.Vəliyevin cinayət işi üzrə məhkəmə istintaqı başa çatıb.

 

Pravda.az-ın əldə etdiyi məlumata görə, hakim Xəqani Səmədovun sədrliyi ilə keçirilən prosesdə hökm oxunub.

 

Məhkəmənin hökmü ilə ona şərti cəza verilib. Təqsirləndirilən şəxs barəsində seçilmiş yetkinlik yaşına çatmayanı nəzarət altına vermə qətimkan tədbiri hökm qanuni  qüvvəyə minənədək dəyişdirilmədən saxlanılıb.

 

Qeyd: Hadisə bu il yanvarın 31-də Qazax şəhəri Tofiq Quliyev küçəsində yerləşən Qazax şəhər stadionunda qeydə alınıb.

 

Belə ki, Qazax şəhəri Səməd Vurğun adına 2 saylı tam orta məktəbin 10 sinif şagirdi, 2006-cı il təvəllüdlü Q.Vəliyev həmin məktəbin 11-ci sinif şagirdi, 2005-ci il təvəllüdlü Y.Yolçuyevla təhsil ocağında mübahisə edib. Daha sonra onlar söhbətlərini davam etdirmək üçün Qazax şəhər stadionuna gediblər. Söhbət əsnasında Y.Yolçuyev Q.Vəliyevin ünvanına “var-yox” söyüşü söyüb. Bu zaman Q.Vəliyev əvvəlcədən cibində saxladığı dəstəyi bıçaqla Yunisin qol nahiyəsinə və sol sinə nahiyəsinə ardıcıl olaraq iki dəfə zərbə endirib. Daha sonra o, Yunisi Qazax Şəhər Mərkəzi Xəstəxanaya aparıb.

 

Q.Vəliyev polis əməkdaşları tərəfindən saxlanılıb. Onun barəsində yetkinlik yaşına çatmayanı nəzarət altına vermə qətimkan tədbiri seçilib.

 

Q.Vəliyevin barəsində Cinayət Məcəlləsinin 126.q-ci (qəsdən sağlamlığa ağır zərbə vurma) maddəsi ilə ittiham irəli sürülüb.

 

O, məhkəmədə ifadəsində bildirib ki, Y.Yolçuyevlə barışıq əldə etdib və törətdiyi əmələ görə peşmançılıq çəkir.

 

Kamal Məmmədov

Tarix: 4 İyul 2022, 13:45   
-->
Xəbər lenti
Çox oxunanlar

Ən son xəbərləri səhifəmizdən də izləyin