BURADA REKLAMINIZ OLA
BİLƏR

BURADA REKLAMINIZ OLA
BİLƏR

Arzu Nağıyev: “Azərbaycan Gürcüstan hakimiyyətini tam dəstəkləyir”

“Son vaxtlar Gürcüstanda mitinqlər baş verir. Dünən Gürcüstan parlamentinin binası qarşısında “Evə-Avropaya” adı altında keçirilən mitinqdə də, təxminən, etnik tərkibi müxtəlif olan 10-15 minə yaxın Gürcüstan vətəndaşı iştirak etmişdi. Hətta onların arasında azərbaycanlılar da var idi. Burda konkret olaraq hansısa partiya nümayəndələrindən söhbət getmir. Mitinqdə iştirak edənlər əsasən Qərbdən maliyyələşən bir sıra Qeyri Hökumət Təşkilatlarıdır. Burda, təbii ki, gənclər də təmsil olunur. Onların məram və məqsədləri məhz Gürcüstanın Avropaya daxil olmasıdır. Mitinqdə müxtəlif dövlət qurumlarının rəhbərlərinin istefası, bu istiqamətdə şüarlar səslənsə də, məlum məsələdir ki, Güsrcüstan hökuməti yerindədir”.

 

Bu sözləri Pravda.az-a açıqlamasında Azərbaycan-Gürcüstan parlamentlərarası əlaqələr üzrə işçi qrupunun rəhbəri Arzu Nağıyev deyib.

 

O qeyd edib ki, birmənalı şəkildə Azərbaycan Gürcüstan hakimiyyətini dəstəkləyir: “Gürcüstanın Baş naziri İrakli Qaribaşvilinin ötən gecə saat 24:00-dək istefa verməsi tələb olunurdu. Aksiya iştirakçıları demişdilər ki, sona qədər dözəcəyik. Ancaq axırda mitinq, demək olar, dağılmışdı. Orda heç bir ciddi hadisə baş vermədi. Məqsədləri Avropaya inteqrasiya ilə bağlı fikirlərini bildirməkdir. Lakin xalqın öz fikri, məramı var. Bu gün xalq Gürcüstan hakimiyyətini dəstəkləyir. 10-15 min nəfərin tələbi ilə hakimiyyətin istefa verməsi və ya hakimiyyətdən getməsi inandırıcı görünmür. Çünki məhz Qaribaşvili hakimiyyətində, doğrudan da, stabillik hökm sürür. Hər yerindən duran desin ki, “hakimiyyət çıxıb getsin”, belə şey yoxdur”.

 

Aytəkin Qardaşova

Tarix: 4 İyul 2022, 14:51   
-->
Xəbər lenti
Çox oxunanlar

Ən son xəbərləri səhifəmizdən də izləyin