BURADA REKLAMINIZ OLA
BİLƏR

BURADA REKLAMINIZ OLA
BİLƏR

Partiya sədri: “Belə bir həssas məqamda süni qiymət artımı təşkil etmək dövlətə xəyanətdir” – “Azərsun” tənqid edildi

“Böyük supermarketlərdə artıq 4 gündür ki, şəkər tozu tapılmır. Market sahibləri Azərbaycan bazarında qida təminatçısı olan “Azərsun”un şəkər tozu ilə marketləri təmin etmədiyini, əsas səbəb kimi də qiymət artımının nəzərdə tutulduğunu bildirirlər. Heç şübhəsiz ki, şəkər tozunun qiyməti artırılacaq deyə mağazalardan yığışdırmaq qanunsuz hərəkət olmaqla yanaşı, həm də Azərbaycanda qida təminatında hökm sürən monopoliyanın açıq göstəricisidir...”

 

Pravda.az xəbər verir ki, bu sözləri Gələcək Azərbaycan Partiyasının sədri Ağasif Şakiroğlu deyib.

 

“Heç kimə sirr deyil ki, yay aylarında Azərbaycanda xanımlar qış üçün hazırlıq görürlər. Belə bir vaxtda şəkər tozunu mağazalara paylamamaq, bahalaşdırmağı düşünmək dövlətə qarşı sabotaj deyil, nədir? Niyə, nə səbəbdən qida sənayesində inhisara qarşı mübarizə aparılmır? Yay olmasına baxmayaraq, ölkədə qiymət artımı tüğyan edirsə, bizi qışda nə gözləyir?! Hər kəs bilsin: Belə bir həssas məqamda süni qiymət artımı təşkil etmək dövlətə xəyanətdir! Hesab edirəm ki, dünyada ərzaq böhranının yaxınlaşdığı bir vaxtda süni “böhran” yaratmaq istəyən şəxslər barəsində ən ciddi tədbirlər görülməlidir. “Böhran öncəsi böhran” yaradaraq bundan faydalanmaq istəyən işbazların əməlinə hüquqi qiymət verilməsi zərurətə çevrilib”, - sədr qeyd edib.

 

Aytəkin Qardaşova

Tarix: 4 İyul 2022, 19:16   
-->
Xəbər lenti
Çox oxunanlar

Ən son xəbərləri səhifəmizdən də izləyin