BURADA REKLAMINIZ OLA
BİLƏR

BURADA REKLAMINIZ OLA
BİLƏR

Etibar Əliyev: “Bayrağımıza uzadılan murdar əllər kəsilib və kəsiləcək...”

“Azərbaycanın Londondakı səfirliyinə hücum və dövlət bayrağının endirilməsi Azərbaycanın suverenliyinə, dövlətçiliyinə qarşı yönəlmiş terror hadisəsidir. Amerika alimi Samyuel Xantiqtonun “Biz kimik?” (kitab bestseller kimi tez bir zamanda ingiləslərin sevimli ədəbiyyatına çevrildi) kitabından oxuduğum bir parçanı xatırlatmaq istəyirəm. “Bayraq heç vaxt 11 sentyabrdakı qədər mahiyyət daşımamışdı. Onlar hər yerdə: evlərdə, ofislərdə, maşınlarda, pəncərələrdə, işıq dirəklərində, telefon antenalarında, hətta mebel və geyim paltarlarında görünməyə başladı. Oktyabr ayının əvvələrində keçirlən sosioloji sorğu göstərdi ki, 80% Amerika vətəndaşı milli bayrağı evdə, maşında və geyimlərində taxmışlar. “Uollmart” univermağı 11 sentyabrda 116 000, bir gün sonra isə 250 000 bayraq satmışdı. Ötən illərdəki bayraq satışına diqqət edin: 6 400-10 000 ədəd. Bayrağ sifarişi hətta körfəzdəki müharibə ilə müqayisədə 10 dəfə artmışdı. Beləliklə, bayraqlar Amerika milli identikliyinin əsas şahidinə çevrilmişdi”. 44 Günlük Vətən Müharibəsində hər yerdə bayraq gördük. Gördükcə qürur duyduq. Bayrağımız maşınlarda, evlərin balkonlarında, uşaqların əlində, şəhidlərimizin dəfnində, işğaldan azad olunmuş torpaqlarımızda dalğalandı. Bayraq bizim milli identikliyimizin şahidinə çevrilib. Ona toxunmaq olmaz”.

 

Pravda.az-ın xəbərinə görə, bunu Milli Məclisin depuatı Etibar Əliyev bildirib.

 

“Biz bayrağa olan sevgini heç kimdən götürməmişik. Bu, bizim təbii hisslərimiz, qələbə duyğularımızdır. Bayrağımızı yeni nəfəslə qələbə simvoluna, həmrəylik simvoluna çevirmişik. Bayrağımıza uzadılan murdar əllər kəsilib və kəsiləcək... Böyük şairimiz Əhməd Cavad belə yazmışdı:

 

Allahın yıldızı, o gözəl pəri,

 

Sığınmış qoynunda Aya bayrağım!

 

Böyük Məmməd Əmin Rəsulzadə isə belə demişdi:

 

Bir kərə yüksələn bayraq bir daha enməz!”, - deyə deputat qeyd edib.

Tarix: 6 Avqust 2022, 12:43   
-->
Xəbər lenti
Çox oxunanlar

Ən son xəbərləri səhifəmizdən də izləyin