BURADA REKLAMINIZ OLA
BİLƏR

BURADA REKLAMINIZ OLA
BİLƏR

Partiya sədri: “Növbədənkənar parlament seçkilərinə “5-ci kolon”un müdaxiləsi olub”

“Hesab edirəm ki, ölkədə konstitusiya islahatları mütləqdir və labüddür. Bunu mütləq və labüd edən əsas amil 44 günlük vətən savaşımızdan qalib çıxmağımız və torpaqlarımızı işğaldan azad etməyimiz dayanır. Dünya dəyişir, Azərbaycanımız da dünyanın tərkib hissəsi olaraq yeniliklərə getməlidir və gedir. Ölkəmizdə 3 il öncədən başladılmış islahatlar bunun əyani sübutudur”.

 

Bunu Pravda.az-a açıqlamasında Gələcək Azərbaycan Partiyasının sədri Ağasif Şakiroğlu bildirib.

 

A.Şakiroğlu qeyd edib ki, 2020-ci ildə baş tutan növbədənkənar parlament seçkilərinə Azərbaycanda mövcud olan “5-ci kolonun” müdaxiləsi olub: “Qarşıya qoyduğumuz məqsədlərə qismən nail olduq. Amma tam təmizlənməni həyata keçirə bilmədik. Bu səbəbdən də düşünürəm ki, ölkəmizin daha da güclənməsi üçün referendum, ardınca da növbədənkənar parlament seçkiləri olmalıdır. Bunlar olmalıdır ki, ölkəmizdə başladılmış islahatlarda zəfər əldə edilsin. Doğrudur, bu gün Azərbaycan Parlamentində milli insanlar var və bu çoxluq təşkil edir. Amma düşünürəm ki, yetərli deyil. Başlatdığımız şanlı işi tamamlamaq mütləqdir. Düşünürəm ki, dövlətimizə, xalqımıza düşmən kəsilmiş “5-ci kolondan” bir dəfəlik xilas olmağı, bu “kolon”un nümayəndələrini tarixin zibilliyinə göndərməyi tamamlamalıyıq. Yeni konstitusiya islahatlarında qarışıq (proporsional və majoritar) seçki sisteminə keçid, parlamentin səlahiyyətlərinin artırılması, özünü doğrultmamış icra hakimiyyətlərinin ləğv edilərək prezidentin yerli nümayəndəlik inistitutunun formalaşdırılması və buna paralel olaraq bələdiyyələrin səlahiyyətlərinin artırılması, böyük şəhər bələdiyyələrinin yaradılması və bu kimi digər önəmli məsələlər yeni konistitutsiya islahatlarında öz əksini tapmalıdır. Ümid edirəm ki, bütün bunlara inamla, qətiyyətlə, səmimi birliyimizlə nail ola bilərik”.

Tarix: 8 Avqust 2022, 14:26   
-->
Xəbər lenti
Çox oxunanlar

Ən son xəbərləri səhifəmizdən də izləyin