BURADA REKLAMINIZ OLA
BİLƏR

BURADA REKLAMINIZ OLA
BİLƏR

Atasını söyəni bıçaqlayan şəxs məhkəmə qarşısında

Siyəzəndə həmkəndlisini bıçaqlamaqda təqsirləndirilən Həsənağa Bünyatovun cinayət işi üzrə ibtidai istintaqı yekunlaşıb.


Pravda.az-ın əldə etdiyi məlumata görə, toplanan iş baxılması üçün Sumqayıt Ağır Cinayətlər Məhkəməsinə göndərilib.


İş hakim Aynur Rzayevanın sədrliyi ilə araşdırılacaq.


Məhkəmənin ilkin hazırlıq iclasının vaxtı hələlik açıqlanmayıb.


Qeyd: Hadisə bu il aprelin 26-da Siyəzən rayonunun Zarat kəndində qeydə alınıb.


Belə ki, həmin gün Zarat kənd sakini, 63 yaşlı Nəzərəli Şərafəddin oğlu Fərzəliyevi həmkəndlisi, 45 yaşlı Həsənağa İbadulla oğlu Bünyatov bıçaqlayıb. Hər iki şəxs bir müddət öncə taxılı suvarmaq üçün su üstündə mübahisə ediblər. Nəticədə zərərçəkən Nəzərəli Fərzəliyev dalaşdığı Həsənağa Bünyatovun atasını söyüb.
 

Atasını söyməsini həzm etməyən Həsənağa Bünyatov onu güdüb və daha sonra Nəzərəli Fərzəliyevə bıçaq zərbələri endirib. Siyəzən müalicə-dioqnostika mərkəzinə çatdırılan yaralı əməliyyat edilib.
 

Fakta görə Siyəzən Rayon Polis Şöbəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanılınb.


Daha sonra Həsənağa Bünyatov saxlanılıb.

 

Kamal Məmmədov 

Tarix: 12 Avqust 2022, 22:39   
-->
Xəbər lenti
Çox oxunanlar

Ən son xəbərləri səhifəmizdən də izləyin