BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputatdan Ağdamda kvadratmetri 1250 manata satışa çıxarılan mənzillərlə bağlı açıqlama: “Normaldır”

Ağdamda “Parkhill” tikinti şirkəti tərəfindən tikilən yeni yaşayış binasınındakı mənzillərin kvadratmetrinin 1250 manat olması müzakirə yaradıb. Tikinti şirkətinin mənzillərin qiymətinin belə bahalı olması ilə bağlı verdiyi açıqlama isə bəzi şəxsləri qane etməyib.

 

Milli Məclisin deputat Rüfət Quliyev Pravda.az-a açıqlamasında bildirib ki, qiymətin belə olması normaldır: “Burda qəribə nə var ki? Azərbaycanda bazar iqtisadiyyatı var. Yəni tələb, təklif və rəqabətdir. Deməli, bu şirkət mənzilin kvdaratmetrini 1250 manata sata biləcəyinə arxayındır, ona görə də tikir. İnanmıram ki, o arxayınlıq onlarda yoxdur. İndi regionların özündə də qiymətlər bahadır. Məsələn, aldığım məlumata görə, Lənkəranda şəhərin içində, kvadratmetri, təxminən, 900-1000 manat arasıdır. Həmişə demişəm ki, özəl layihələrin, işlərin qabağını kəsmək lazım deyil. Qanun çərçivəsindədirsə, qoy, işlərini görsünlər, rəqabət yaransın. Biri gedib Ağdamda belə bir bina tikirsə, digərləri də gəlib tikəcək. İnanın ki, orada qiymət 1250-yə yox, bəlkə ondan ucuza düşəcək. Tikilinin maya dəyərinə təsir edən məsələlərə gəlincə, ola bilər, nisbətən nəsə fərq eləsin, 300-400 kilometr yoldur... Bu, elə də uzaq məsafə deyil. Rəqabətdir, tələb, təklifdir, bacarırlarsa, qanunidirsə, Allah xeyirlərini versin. Tiksinlər, tezliklə insanlar köçüb Ağdamda yaşasın. Hər kəsə müraciət edib demək istəyirəm ki, biznesin qanunları var. Yetər ki, qanuni olsun. Dövlət qanunlarını aşmasınlar. Biznesin qarşısını almaq olmaz. Biznesin qarşısında süni bir problem, maneə yaradanda böyük fəlakətlərə gətirib çıxarır. Azərbaycanda dövlətin biznesə münasibəti müsbətdir. Qəribəsi odur ki, əhalinin bəzi hissəsinin fikri qeyri-müsbətir. Niyə? Biznes inkişaf etsin, iş yeri yaransın. Ağdamda yeni tikilən sözügedən binanın tikintisində yüzlərlə insan işləyəcək. Tikiləndən sonra insanlar ora köçəndə 20-25 nəfər adam da binaya baxacaq. Biznes qanun çərçivəsində azad formada inkişaf etməlidir”.

 

Aytəkin Qardaşova

Tarix: 13 Avqust 2022, 12:14   
-->
Xəbər lenti
Çox oxunanlar

Ən son xəbərləri səhifəmizdən də izləyin