BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Yaxşı həkim olaraq vətənimə qayıdacağam” - VİDEO

Xəbər verdiyimiz kimi, bu il IV ixtisas qrupu üzrə ali məktəblərə qəbul imtahanında 700 bal toplayaraq ən yüksək nəticə göstərən Nigar Ağazadə təhsilini Türkiyədə davam etdirəcək. O, Ankara Universitetinin Tibb fakültəsində tam təqaüdlü təhsil alacaq.

 

 “Tehsil.biz tv”yə müsahibə verən Nigar Azərbaycan universitetlərindən imtina etməsinin səbəbindən, eləcə də gələcək planlarından danışıb.

 

O, bildirib ki, Türkiyədə tibb çox inkişaf edib, oradakı universitetlərdə nəzəriyyə və təcrübə dərsləri yüksək səviyyədə təşkil olunur.

 

Gələcək planlarından bəhs edən məzun qeyd edib ki, universiteti bitirdikdən sonra rezidentura üzrə təhsilini Almaniyada davam etdirmək fikrindədir: “Təhsilimi bitirdikdən sonra daha yaxşı həkim olaraq vətənimə qayıdıb, xalqıma xidmət etmək istəyirəm. Eləcə də, gələcəkdə ürək-damar cərrahı olmaq arzusundayam”.

 

Qeyd edək ki, Nigar Ağazadə bu il keçirilmiş qəbul imtahanının I mərhələsində 300 bal, ikinci mərhələsində isə 400 bal toplayaraq maksimal nəticə göstərib. Avqustun 18-də Nigarın qəbul olunduğu Ankara Universitetinin rektoru prof. Necdet Ünüvar ona zəng edərək ürək sözlərini bildirmişdi.

 

Tarix: 19 Avqust 2022, 07:54   
-->
Xəbər lenti
Çox oxunanlar

Ən son xəbərləri səhifəmizdən də izləyin