BURADA REKLAMINIZ OLA
BİLƏR

BURADA REKLAMINIZ OLA
BİLƏR

Siyavuş Novruzov: “Azərbaycanın Avropaya qarşı siyasət apardığını iqtisadçı yox, hər hansı piyada deyə bilər”

Milli Məclisin deputatı Siyavuş Novruzov iqtisadçı Qubad İbadoğlu və digərlərinin Azərbaycanın anti-qərb koalisiyasında yer aldığı barədə səsləndirdikləri fikirlərə münasibət bildirib.

 

Deputat Pravda.az-a açıqlamasında səslənən fikirləri düzgün hesab etmədiyini deyib.

 

“Azərbaycanın Avropaya qarşı düzgün olmayan siyasət apardığını iqtisadçı yox, hər hansı piyada deyə bilər. Bu fikirlər düzgün deyil, ara qarışdırmağa xidmət edir. Qubad İbadoğlu Azərbaycanda normal iqtisadçı kimi qəbul olunmayıb və heç vaxt olunmayacaq. İqtisadiyyatdan başı çıxan adam görər ki, valyuta ehtiyyatlarının böyük hissəsi Avropa dövlətlərinin müxtəlif banklarında yerləşdirilib, müxtəlif sahələrə investisiya qoyulub. Azərbaycan bütün iqtisadi məsələlərdə iştirak edir. Davos İqtisadi Forumlarını götürsək, Azərbaycan həmişə bu Forumlarda aktiv iştirak edib. Azərbaycan Beynəlxalq Valyuta Fondu, Dünya Bankı, Avropa İnkişaf Bankı ilə mütəmadi layihələr həyata keçirir. Azərbaycanın ən böyük layihəsi Avropa İttifaqı ilədir. Şimal-Cənub Beynəlxalq Nəqliyyat Dəhlizi və s. Hamısında Avropa İttifaqı iştirak edir və bütün Azərbaycanın “Transxəzər” və digər layihələrinin həyata keçirilməsində ən çox iştirak edən Avropadır. İkincisi, Azərbaycan Avropanın qaz təchizatı və enerji təhlükəziliyində ən aktiv iştirak edən ölkədir”.

 

S.Novruzov xatırladıb ki, Prezident İlham Əliyevin İtaliya səfəri, orada keçirilən görüşlər, bağlanan müqavilələr, aparılan söhbətlər bariz nümunədir: “Azərbaycan digər mərkəzlərlə də əməkdaşlıq edir, çox az ölkələrdəndir ki, müstəqil siyasət yeridir. Müstəqil siyasət ondan ibarətdir ki, bizimlə birgə çalışmaq, tərəfdaşlıq etmək istəyən ölkələrlə birlikdə istər iqtisadi, istər siyasi, istər təhlükəsizlik baxımından əməkdaşlıq etməyə həmişə hazırıq. Elə bu gün dünyanın ən böyük təşkilatlarından biri Şanxay İqtisadi Əməkdaşlıq Təşkilatının toplantısında Özbəkistan Prezidentinin dəvəti ilə Prezident İlham Əliyevin qonaq kimi iştirakı çox böyük hadisədir. Nəzər salsaq, dünya əhalisinin və iqtisadiyyatının 50%-i bu tərəfdədir. Söhbət Hindistandan, Çindən, Pakistandan, Türkiyədən, Rusiyadan və Orta Asiya ölkələrindən gedir”.

 

S.Novruzov tənqidi mövqedən çıxış edən Qubad İbadoğlunun qardaşı Vüqar Bayramovun Milli Məclisin deputatı olması məsələsinə də toxunub: “Hərə özünəməxsus xidmət edir, digərinin fikirlərinə cavab vermir. Vüqar Bayramov deputat kimi Azərbaycan iqtisadiyyatı ilə bağlı yaxşı fikirlər söyləyir. Parlamentdə İqtisadi siyasət, sənaye və sahibkarlıq komitəsində fəaliyyət göstərir. Azərbaycan iqtisadiyyatını düzgün təbliğ edir”.

 

Aytəkin Qardaşova

Tarix: 16 Sentyabr 2022, 13:33   
-->
Xəbər lenti
Çox oxunanlar

Ən son xəbərləri səhifəmizdən də izləyin