BURADA REKLAMINIZ OLA
BİLƏR

BURADA REKLAMINIZ OLA
BİLƏR

Azərbaycanda müştərini dırnaq kəsənlə bıçaqlayan taksi sürücüsünün istintaqı başa çatdı

Abşeron Rayon Məhkəməsində qəsdən sağlamlığa az ağır zərər vurmada təqsirləndirilən Vahid Fəttahovun (ad, soyadı şərti) cinayət işi üzrə məhkəmə iclası başa çatıb.


Pravda.az-ın əldə etdiyi məlumata görə, hakim Sevinc Quliyevanın sədrliyi ilə keçirilən porsesdə qərar elan olunub.


Qərara əsasən, cinayət işinə xitam verilib və Vahid Fəttahov cinayət məsuliyyətindən azad edilib. Təqsirləndirilən şəxs barəsində başqa yerə getməmək haqqında iltizam qətimkan tədbiri ləğv edilib. 


İttihama görə, taksi fəaliyyəti ilə məşğul olan, 1984-cü il təvəllüdlü Vahid Fəttahov 10 aprel 2022-ci il tarixdə saat 00:30 radələrində Abşeron rayonu, Masazır qəsəbəsi, “Qurtuluş-93” yaşayış kompleksinin qarşısındakı yolayrıcında yerləşən işıqforun yaxınlığında etibarnamə ilə idarə etdiyi “Khazar SD” markalı avtomobilini saxlayıb müştəri gözləyib. Zərərçəkmiş Səid Sahilov (ad, soyadı şərti) avtomobilə yaxınlaşaraq onu “Məzunlar evi” yaşayış kompleksinə aparmağı, lakin üzərində pul olmadığını, yaşayış kompleksinə çatan kimi mağazadan pul götürüb onun gediş haqqını verəcəyini bildirib. Vahid isə ona etdiyi təkliflə razılaşmayıb. Bu zaman zərərçəkmiş şəxs onunla kobud danışıb, kobud ifadələr işlədi.


Belə ki, o, ayağı ilə Vahidin avtomobilinin qapısına bir dəfə zərbə endirərək 120 manat dəyərində maddi ziyan vurub. Bu səbəbindən təqsirləndirilən şəxs əsəblərini cilovlaya bilməyib avtomobilində saxladığı iri ölçülü dırnaq kəsənin bıçaq hissəsi ilə zərərçəkmiş şəxsin bel nahiyəsindən qəsdən bir dəfə vurub. Nəticədə o, Səidin qəsdən sağlamlığına az ağır zərər vurmaya aid bədən xəsarəti yetirib.


Polis əmədaşları tərəfindən saxlanılan Vahid Fəttahovun barəsində Cinayət Məcəlləsinin 127.1-ci (Qəsdən sağlamlığa az ağır zərər vurma) maddəsi ilə ittiham irəli sürülüb.

Tarix: 20 Sentyabr 2022, 18:05   
-->
Xəbər lenti
Çox oxunanlar

Ən son xəbərləri səhifəmizdən də izləyin