BURADA REKLAMINIZ OLA
BİLƏR

BURADA REKLAMINIZ OLA
BİLƏR

Partiya sədri: “Məcburi köçkünlər üçün tikilən evlərin bəziləri şəhərin mərkəzindədir, amma…”

“Qaldırdığımız hər bir məsələnin əsası var, faktlara söykənir. Müxtəlif mövzularla bağlı məsələləri qaldırırıq. Bu, o demək deyil ki, hər birini özümüz yaşayırıq. Bu problemləri yaşayan insanlar bizə müraciət edirlər, dilə gətirir, faktlarını ortaya qoyurlar. 99% faktlar doğru olur. Xocasəndəki şəhid ailələrinə verilən evlərin keyfiyyətsiz tikilməsi ilə bağlı məsələ də həqiqətdir. Bunu ötən həftə üzvlərimizdən biri, Birinci Qarabağ qazisi qeyd etmişdi. O, Xocasəndəki evlərin bərbad vəziyyətdə olduğunu, protokol, ev vermək xatirinə verildiyini bildirdi. Mən də xahiş etdim ki, məsələ ilə bağlı videogörüntüləri bizə təqdim etsin”.

 

Bu sözləri Pravda.az-a açıqlamasında Ağ Partiyanın sədri Tural Abbaslı deyib.

 

O bildirib ki, şəhid ailələrinə, qazilərə ev verilmə layihəsinin icraatının sırf mediaya hesablandığı sirr deyil: “İstər otaqların sayı, istər verilən evlərin məkan olaraq yerləşdikləri ərazinin, təmirinin, tikintisinin hansı səviyyədə olduğunu analiz edəndə görürsən ki, məqsəd heç də bu kateqoriyadan olan insanların rahatlığını nəzərə almaq deyil, sırf piar xarakterlidir. Bəlkə də, yeyinti məqsədləri də var. Niyə şəhid ailələrinə, qazilərə verilən evlər ancaq şəhər kənarında olur? Baxmayaraq ki, məcburi köçkünlər üçün tikilən evlərin bəziləri şəhərin mərkəzində, uyğun yerlərdədir. Həqiqətənmi Azərbaycan iqtidarı, dövləti üçün şəhid vermiş, qazi olmuş insanların dəyəri Bakının kənarında, ucuz, əmlak qiyməti aşağı olan yerlərdə olmalıdır? Axı bu, dövlətin hədiyyəsidir. Bu, dövlətin onların qəhrəmanlıq və fədakarlıqlarına verdiyi qiymətin göstəricisidir. Budurmu? Araşdırıb şəhid ailələrinə sual verə bilərsiniz ki, onlar aldıqları evin məkanından, təmirindən, otaq sayından razıdırlarmı? Görün neçə nəfər razı olacaq? Əminəm ki, 70-80% insan narazılığını bildirəcək…”

 

Aytəkin Qardaşova

Tarix: 26 Sentyabr 2022, 13:53   
-->
Xəbər lenti
Çox oxunanlar

Ən son xəbərləri səhifəmizdən də izləyin