BURADA REKLAMINIZ OLA
BİLƏR

BURADA REKLAMINIZ OLA
BİLƏR

Azərbaycanda Aİ-95 markalı benzin ucuzlaşacaq? - AÇIQLAMA

“Təbii ki, benzinin qiyməti aşağı düşsə, hamıya sərf edər. Aldığım məlumatlara görə, SOCAR Aİ-95 markalı benzinin qiymətini bağlayır, çünki bu benzinin böyük bir hissəsi idxal olunur. Burada təkcə neftin qiyməti deyil, nəqliyyat xərcləri də nəzərə alınır. Neftin qiyməti bu gün düşdüsə, bir həftə sonra yenidən qalxır. Düşünürəm ki, daha çox xərclər nəqliyyatla bağlıdır. Xaricdə nəqliyyat xərcləri artandan sonra məcburiyyət qarşısında qiymətlər qalxır. Nəqliyyat xərcləri bütün dünyada 40-70%-ə qədər qalxıb”.

 

Bu sözləri Pravda.az-a açıqlamasında Milli Məclisin deputatı Rüfət Quliyev deyib.

“Dünyada neftin qiymətinin enməsinə baxmayaraq ölkəmizdə benzinin niyə  ucuzlaşmadığı sualını SOCAR-a ünvanlamaq lazımdır. Bunun üzərində işləmək lazımdır. Başqa bir məsələ də var. SOCAR uzun illər idi respublikada yanacaqdoldurma məntəqələrinə benzin satanda nəqliyyat xərclərini də üstünə gəlirdi. Nəqliyyat xərclərini adətən yanacaqdoldurma şirkətləri özləri üzərinə götürürdü. Bu, qiymətdə nəzərə alınmamalı idi. Ona görə ki, şirkətlər benzini öz hesablarına regionlara, yerlərə çatdırırdılar. SOCAR qiymətləri bu formada stabil saxlayırdı. Hardasa 2 ay bundan öncə İqtisadiyyat Nazirliyinin tələbi ilə SOCAR-dan, səhv etmirəmsə, 27 milyon manat bu xərclərlə əlaqədar büdcəyə pul qaytarıldı. Bu mənada şikayətlər çox idi”, - deputat bildirib.

 

Aytəkin Qardaşova

Tarix: 26 Sentyabr 2022, 14:40   
-->
Xəbər lenti
Çox oxunanlar

Ən son xəbərləri səhifəmizdən də izləyin