BURADA REKLAMINIZ OLA
BİLƏR

BURADA REKLAMINIZ OLA
BİLƏR

Dələduzluğa görə həbsdə olan qadın professorla bağlı QƏRAR

Ali Məhkəmədə dələduzluq təqsirləndirilən Azərbaycan Dövlət Həkimləri Təkmilləşdirmə İnstitutunun Mamalıq və ginekologiya kafedrasının professoru İzzət Şamxalovun barəsində olan hökmdən verilən kassasiya protestinə baxılıb.

 

Pravda.az-ın əldə etdiyi məlumata görə, hakim Nazim Mövsümovun sədrliyi ilə keçirilən prosesdə qərar elan olunub.

 

Qərara əsasən, kassasiya protesti təmin edilib, Bakı Apellyasiya Məhkəməsinin qərarı dəyişdirilib. Bildirilib ki, qərarın nəticəvi hissəsinin 3-cü və 4-cü abzasları aşağıda göstərilən redaksiyada verilsin: “Hökmlə təqsirləndirilən şəxs təyin edilmiş əsas cəza - 1 il 11 ay 29 gün müddətində azadlıqdan məhrumetmə cəzası 6 ay azaldılıb və üzərində 2 il müddətinə dövlət və yerli özünüidarə orqanlarında rəhbər və maddi məsul vəzifələr tutmaq hüququndan məhrum edilməklə 1 il 5 ay 29 gün müddətində azadlıqdan məhrum etmə cəzası saxlanılıb.

 

Qeyd: Azərbaycan Dövlət Həkimləri Təkmilləşdirmə İnstitutunun Mamalıq və ginekologiya kafedrasının professoru İzzət Şamxalova bir neçə nəfərə qarşı dələduzluq etməkdə günahlandırılıb.

 

İstintaq sənədlərinə əsasən, qadın qulluq mövqeyindən istifadə edib. Belə ki, ona kömək üçün müraciət edən şəxsə elmi dərəcə almasına köməklik göstərəcəyinə dair yalan vəd verib.

 

Bu məqsədlə həmin insanı aldadıb, ümumilikdə 16 843 manatlıq dələduzluq edib.

 

Professor 2014-cü ildən nazirlikdə işləməyə başlayarkən də təkrarən tamah niyyəti ilə özgənin əmlakını etibardan sui-istifadə etmə və aldatma yolu ilə ələ keçirmək məqsədlərini həyata keçirib.

 

İstintaq müəyyən edib ki, ona müraciət etmiş tanışını hospitallardan birində şöbə rəisi vəzifəsinə qəbul olunmasına köməklik göstərəcəyinə dair yalan vəd verib.

 

Bu məqsədlə də həmin insana qarşı 15 000 manat dələduzluq edib. Beləcə o, daha bir neçə nəfəri də aldadıb.

 

Sonradan onun aldatdığı şəxslər polisə şikayət ediblər və cinayət işi açılıb.

 

Professor Cinayət Məcəlləsinin 178-ci (Dələduzluq) maddəsində nəzərdə tutulmuş cinayət əməlini törətməkdə təqsirli bilinib.

 

O, məhkəmənin hökmü ilə iki il müddətinə dövlət və yerli özünüidarəetmə orqanlarında rəhbər və maddi-məsul vəzifələr tutmaq hüququndan məhrum edilməklə, iki il müddətinə azadlıqdan məhrum edilib. Qadın məhkəmə zalındaca həbs edilib.

 

Xatırlatma: Professor 2014-cü ildən 2020-ci ilədək nazirliklərin birində çalışıb.

 

Kamal Məmmədov

Tarix: 27 Sentyabr 2022, 07:39   
-->
Xəbər lenti
Çox oxunanlar

Ən son xəbərləri səhifəmizdən də izləyin