BURADA REKLAMINIZ OLA
BİLƏR

BURADA REKLAMINIZ OLA
BİLƏR

Azər Qasımlı: “Cənubi Qafqaz xalqları irəli baxmalıdır, dünənlə yaşamamalıdır”

“Nikol Paşinyan Twitter-də yazıb ki, BMT-dəki çıxışında Azərbaycana Ermənistanın ərazi bütövlüyünü tanıyıb-tanımadığı ilə bağlı sual verib, lakin hələ də cavab almayıb. Məncə, doğru olan odur ki, biz də Paşinyandan 1918-ci ildən etibarən (müstəqil Azərbaycan və Ermənistanın elan olunduğu tarixdən!) bu günə qədər (son 100 ildə! daha geriyə getməyin hüquqi anlamı yoxdur) Azərbaycanın və Ermənistanın hansı xəritəsini qəbul etdiklərini soruşaq. Beynəlxalq aləmdə Azərbaycanın qəbul olunan iki xəritəsi var: birincisi əvvəl Paris Konfransında, ikincisi isə BMT-də. Bu xəritələrin heç birində "koridor" anlayışı və qeydi yoxdur. Nə Zəngəzur, nə Laçın! Cənubi Qafqazda sülhə nail olmaq üçün köhnə və ziyanlı yanaşmalardan, terminlərdən imtina etmək lazımdır. Onlardan biri də "koridor" anlayışıdır. Cənubi Qafqaz xalqları irəli baxmalıdır, dünənlə yaşamamalıdır”.

 

Pravda.az-ın xəbərinə görə, bunu siyasi fəal Azər Qasımlı bildirib.

 

“Gələcəkdə bütün sərhədlər şəffaf və təhlükəsiz olmalıdır. Erməni tərəfi Azərbaycan vətəndaşlarının Naxçıvana təhlükəsiz keçidini təmin etməlidir. Bunun yanında da erməni əsilli Azərbaycan vətəndaşlarının da Ermənistana və ya Gürcüstana təhlükəsiz keçid imkanları olmalıdır. 3-cü ölkələrin də təhlükəsizlik qarantiyalarına ehtiyac qalmamalıdır. Bu, kiməsə arzu və mümkünsüz variant kimi gələ bilər. Mən də bilirəm ki, bu gün bütün bunlar mümkünsüz görünür. Bir çox şərtlər dəyişməlidir təbii ki. Lakin bu məsələdə əsas olan niyyətdir və vizyondur. Vaxtilə Avropada da fransızlarla ingilislər, hər ikisi ilə də almanlar və digərləri savaşıb. Onlar iki dünya müharibəsində, daha əvvəl Avropa daxili savaşlarında, 100 illik savaşda, dini savaşlarda bir-birnin qanını axıdıblar. Əsrlərlə kin, ədavət və şiddət içində yaşayıblar. Lakin bu gün həmin kindən, nifrətdən və şiddətdən əsər-əlamət qalmayıb. 50-70 il əvvəl istənilən sadə avropalıya bunu desəydin o da bütün bunların xülya və mümkünsüz olduğunu deyərdi. Lakin oldu, Çünkli Avropada soyuqqanlı və müasir düşünən, ən asası isə strateji ağıla və vizyona sahib olan insanlar, siyasətçilər, iqtisadçllar, elm və incəsənət adamları kənarda durmadılar və təşəbbüsü öz əllərinə aldılar, xalqları da populistlərin, geridə qalmış və şiddət püskürənlərin arxasıyca getməyə qoymadılar!” – A.Qasımlı qeyd edib.

Tarix: 29 Sentyabr 2022, 23:48   
-->
Xəbər lenti
Çox oxunanlar

Ən son xəbərləri səhifəmizdən də izləyin