BURADA REKLAMINIZ OLA
BİLƏR

BURADA REKLAMINIZ OLA
BİLƏR

Mətbuat Şurasına üzv olan media orqanları ilə bağlı məsələyə yenidən baxıla bilər

“Mətbuat Şurası yarananda yalnız çap mətbuatı Şuranın təsisçiləri qismində çıxış edə bilərdi. Sonradan yeni – internet medianın genişlənməsi artıq məsələyə tamam başqa müstəvidə baxılmasını tələb etdi. Buna görə də daxili qaydalara dəyişiklik etməklə biz elektron KİV-in, xüsusən də onlayn medianın təsisçilik hüququnu, Mətbuat Şurasının təsisçisi olma haqqını tanıdıq. Şuraya üzv olan xeyli sayda sayt, çap mətbuatı, jurnal var. Artıq 19 ildir Mətbuat Şurası fəaliyyət göstərir. Bu müddət ərzində hansısa yeni saytlar yaranıb, hansılarsa sıradan çıxıb, qəzetlər yaranıb, ya da öz ömrünü başa vurub. Əlbəttə, belə faktlar var. Bununla bağlı seleksiya etməyə ehtiyac yaranıb. Hesab edirəm, bu məsələyə Mətbuat Şurasının növbəti iclaslarının bir də baxmaq olar”.

 

Bu sözləri Pravda.az-a açıqlamasında Mətbuat Şurasının İdarə Heyətinin üzvü Akif Aşırlı deyib.

A.Aşırlı bildirib ki, Mətbuat Şurasının fəaliyyətinin canlandırılması, daha aktiv müstəviyə gətirilməsi ilə bağlı da xeyli sayda təklif var: “Medianın İnkişafı Agentliyi ilə Mətbuat Şurasının birgəfəaliyyət proqramı əsasında müzakirələr aparılır. Hesab edirəm, MEDİA-nın Şura ilə birgə fəaliyyət proqramının ortaya qoyulmasına, hər hansı layihələrin maliyyələşdirilməsi, jurnalist peşəkarlığının artırılması, həm ənənəvi, həm yeni mediada etik prinsiplərin gözlənilməsi ətrafında, bu problemlərin aradan qaldırılması istiqamətində mühüm layihələrin, işlərin görülməsinə çox ciddi ehtiyac var. Bütün bunları Mətbuat Şurasının təkbaşına görməsi o qədər də effekt verə bilmir. Bu baxımdan MEDİA ilə birgə belə layihələrin həyata keçirilməsinə, onların maliyyələşdirilməsinə, monitorinqlərin aparılmasına çox ciddi ehtiyac var”.

 

Aytəkin Qardaşova

Tarix: 30 Sentyabr 2022, 18:21   
-->
Xəbər lenti
Çox oxunanlar

Ən son xəbərləri səhifəmizdən də izləyin